हवापालटासाठी खंडाळ्यातून महाबळेश्वर येथे आले होते. वाधवान कुटुंबाने या प्रवासासाठी गृहविभागाचे विशेष प्रधान सचिव अमिताभ गुप्ता यांचे पत्र घेतले होते. या पत्रात गुप्ता यांनी वाधवान कुटुंबाचा उल्लेख ‘फॅमिली फ्रेंड’ असा केल्याने एकच खळबळ माजली होती. काल दिवसभर माध्यमांत या एकाच प्रकरणाची चर्चा होती. या चर्चेमुळे जिल्हा प्रशासनावर वेगळाच दबाव होता. गुरुवारी रात्री उशिरा उद्योगपती वाधवान कुटुंबावर गुन्हा दाखल करण्याच्या हालचाली सुरू झाल्या. प्रांताधिकारी संगिता राजापुरकर, विभागीय पोलिस अधिकारी अजित टिके, तहसीलदार सुषमा चौधरी, मुख्याधिकारी अमिता दगडे पाटील हे सारेच महाबळेश्वर पोलीस ठाण्यात होते. त्यानंतर रात्री दोन वाजता गुन्हा दाखल करण्याची प्रक्रिया पूर्ण झाली.
वाधवान कुटुंबातील कपिल वाधवान, अरूणा वाधवान, वनिता वाधवान, टिना वाधवान, धीरज वाधवान, कार्तिक वाधवान, पूजा वाधवान, युव्हिका वाधवान, आहान वाधवान यांसह त्यांच्या सोबत आलेले त्यांचे कर्मचारी शत्रुघ्न घाग, मनोज यादव, मनोज शुक्ला, अशोक वाफेलकर, दिवान सिंग, अमोल मंडल, लोहीत फर्नांडीस, जसप्रित सिंग, जस्टीन डिमेलो, इंद्रकांत चौधरी, एलिजाबेथ अय्यपिल्लई, रमेश शर्मा, प्रदिप कांबळे व तारका सरकार या सर्वांविरोधात आपत्ती व्यवस्थापन कायदा २००५ च्या कलम ५१ ब, महाराष्ट् कोविड १९ उपाययोजना २०२० चे कलम ११ प्रमाणे तसेच भादंवि कलम १८८, २६९, २७०, ३४ नुसार गुन्हा दाखल करण्यात आला आहे. याशिवाय वाधवान कुटुंबाने खंडाळा ते महाबळेश्वर या प्रवासासाठी वापरलेल्या आलिशान पाच गाडया काल मध्यरात्रीच पाचगणी येथून जप्त करण्यात आल्या आहेत.
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
