चंद्रपूर : विदर्भातील आठ शक्तिपीठांपैकी एक असलेल्या देवी महाकालीच्या यात्रेत साडेतीन लाखांवर भाविकांनी दर्शनासाठी हजेरी लावली आहे. मागील दोन वर्षांत भाविक देवीच्या दर्शनाला येऊ न शकल्याने ही गर्दी वाढल्याचा अंदाज आहे.

करोना संसर्ग कमी होऊ लागताच सरकारने निर्बंध हटविले. यात्रा आणि उत्सवांना परवानगी दिली. यातूनच देवी महाकालीच्या नवरात्रोत्सवास चैत्र शुक्ल षष्ठीला म्हणजे ७ एप्रिलला महाकाले परिवाराच्यावतीने परंपरागत विधिवत पूजा करून सुरुवात झाली. महाकाली देवीची मोठी बहीण म्हटल्या जाणाऱ्या एकविरा देवीचाही घट बसविण्यात आला. करोना संकटामुळे रद्द झालेली ही यात्रा तब्बल दोन वर्षांनंतर भरत असल्याने दूरवरून भाविक दर्शनासाठी आले. पहिल्या दिवसापासून भाविकांची गर्दी होऊ लागली. नांदेड, परभणी, बीड, उस्मानाबाद, औरंगाबाद, कोल्हापूर आणि आंध्र प्रदेशातूनही भाविकांची नोंद झाली.

IPLनंतर भारतीय संघात मोठे बदल; ७ खेळाडूंबाबत BCCIने घेतला धाडसी निर्णय
चैत्र शुद्ध षष्ठी ते पौर्णिमेपर्यंत ही यात्रा सुरू झाली असली तरी शेवटच्या दिवशी गर्दी वाढली. १५ ते १८ एप्रिल या कालावधीत भाविकांच्या गर्दीचा आजवरचा विक्रम नोंदविला गेला. दर्शनासाठी आलेल्या भाविकांनी ‘जय हो महाकाली चांदावासिनी…’चा गजर केला. मंदिराच्या विश्वस्त आशा महाकाले यांनी महाआरतीनंतर गाभाऱ्यात स्थापन करण्यात आलेला देवीचा घट हलविला. दहीभात शिंपडले आणि यात्रेकरूंचा परतीचा प्रवास सुरू झाला.

१९ एप्रिलला यात्रा संपली तरी २४ एप्रिलपर्यंत भाविकांची वर्दळ मंदिर परिसरात कायम होती. यंदाही यात्रेत पोतराज आकर्षणाचे केंद्र ठरले.

Elon Musk यांच्याकडे Twitter चा फुल कंट्रोल, होणार ‘हे’ ५ मोठे बदल

‘आस अधुरी राहू नये म्हणून…’

‘दोन वर्षे देवीच्या दर्शनाला येता आले नाही. यंदा संधी मिळाली. सरकारकडून अजूनही करोनाची लाट येणार असल्याचा अंदाज व्यक्त होऊ लागले आहेत. पुढल्या वर्षी यात्रा रद्द झाल्यास मनातील आस अधुरीच राहणार आहे. म्हणून यंदाच सहकुटुंब देवीच्या दर्शनाला आलो’, असे मराठवाड्यातील भाविकांनी सांगितले.

भाविकांच्या गर्दीचा चढा आलेख…

वर्षे——– भाविक

२०१६—– ७५ हजार

२०१७—- १ लाख २० हजार

२०१८— १ लाख ४० हजार

२०१९—- १ लाख २५ हजार

२०२०—- यात्रा रद्द

२०२१— यात्रा रद्द

२०२२– ३ लाख ५० हजार

मोठी बातमी : कल्याण, डोंबिवली, अंबरनाथ, बदलापूर येथील वीज पुरवठा खंडित

LEAVE A REPLY

Please enter your comment!
Please enter your name here