संबंधित रुग्णाला ८ एप्रिल रोजी भाऊसाहेब हिरे शासकीय वैद्यकीय महाविद्यालय व सर्वोपचार रुग्णालयात दाखल करण्यात आले होते. या रुग्णाचा स्वॅब नमुना तपासणीसाठी पाठविण्यात आला होता. परंतु, या तपासणीचा अहवाल येण्याआधीच सदर रुग्णाचा आज पहाटे दीड वाजता मृत्यू झाला. दरम्यान, करोना तपासणी अहवाल आज प्राप्त झाला असता तो पॉझिटिव्ह असल्याचे पाहून सारेच हादरले आहेत. हा धुळे जिल्ह्यातील पहिला करोना पॉझिटिव्ह रुग्ण आहे.
मालेगाव येथील एक महिला रुग्ण ९ एप्रिल रोजी धुळे येथील शासकीय वैद्यकीय महाविद्यालयाच्या अलगीकरण कक्षात दाखल असून तिचाही करोना अहवाल पॉझिटिव्ह आला आहे, असे भाऊसाहेब हिरे शासकीय सर्वोपचार रुग्णालयाचे वैद्यकीय अधीक्षक तथा नोडल अधिकारी डॉ. आर. आय. सूर्यवंशी यांनी सांगितले आहे.
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
