इन्स्टाग्रामवर शेअर केली पोस्ट
जरीननं तिच्या इन्स्टाग्राम स्टोरीवर मंगळवारी एक पोस्ट शेअर केली. त्यात तिनं म्हटलं की, ‘माझी आई पुन्हा एकदा आजारी पडली आहे. काल रात्री तिला परत एकदा हॉस्पिटलमध्ये अॅडमिट केलं असून ती आयसीयूमध्ये आहे. तुम्हा सर्वांना विनंती करते की आईची तब्येत सुधारावी, यासाठी प्रार्थना करा.’
आईची माया! मुलगी पूनम पांडेच्या प्रेमासाठी पहिल्यांदा कॅमेऱ्यासमोर आली आई
जरीनचं प्रेमप्रकरण
बिग बॉसमधील स्पर्धक शिवाशीष मिश्रा याच्याबरोबर जरीन खानचं प्रेमप्रकरण सुरू असल्याची बातमी समोर आल्यानंतर ती जास्त चर्चेत आली आहे. जरीननं तिच्या प्रेमप्रकरणाबद्दल एका न्यूज पोर्टलला दिलेल्या मुलाखतीमध्ये सांगितलं की सध्या तरी कोणत्याही निष्कर्षाप्रत ती पोहोचलेली नाही. सध्या तरी तिच्या आयुष्यात खूप छान दिवस सुरू आहेत.’
मुनव्वर आणि अंजलीच्या मध्ये आली आई, दूर राहण्याचा दिला सल्ला
म्युझिकल व्हिडिओमध्ये दिसणार
जरीन खानच्या कामाबाबत सांगायचं तर सलमान खानबरोबर २०१० मध्ये ‘वीर’ सिनेमातून अभिनयाच्या क्षेत्रात पदार्पण केलं होतं. त्यानंतर तिनं काही सिनेमे आणि म्युझिकल व्हिडिओमध्ये काम केलं. परंतु त्याला फारसं यश मिळालं नाही. आता लवकरच ती ‘ईद हो जाएगी’ या म्युझिकल व्हिडिओमध्ये दिसणार आहे. यात तिच्याबरोबर उमर रियाज दिसणार आहे. या अल्बममधील गाण्याबद्दल जरीननं सांगितलं की, ‘या म्युझिक अल्बमचा हिस्सा असल्याचा मला अभिमान आहे. त्याचप्रमाणे मी खूप उत्साहित देखील आहे. या गाण्याचं चित्रीकरण करताना मला देखील खूप मजा आली. आता हा अल्बम, त्यातील गाण्यांना प्रेक्षकांना कसा प्रतिसाद मिळतो याची उत्सुकता आहे.’
