शेरशाह या सिनेमात कियारा आणि सिध्दार्थ ही जोडी स्क्रिनवर तर जमली पण प्रत्यक्ष आयुष्यातही हे दोघे एकत्र आले. अर्थात दोन दिवसांपूर्वी ब्रेकअप होईपर्यंत दोघांनीही त्यांच्या नात्याची जाहीर कबुली दिली नव्हती. पण कपिल शर्माच्या शोमध्ये कियाराला सिध्दार्थवरून छेडलं तेव्हा तिचं लाजणं बरच काही सांगून गेलं होतं. तर फिल्मफेअर अॅवार्डमध्येही स्टेजवर या जोडीची ऑफस्क्रीन केमिस्ट्री लाखो प्रेक्षकांनी पाहिली.बॉलिवूडमध्ये सध्या सुरू असलेल्या लग्नसराईत पुढचं लग्न कियारा आणि सिध्दार्थचंच होणार अशी अटकळ बांधली जात असतानाच दोघांच्या ब्रेकअपची बातमी धडकली. सध्या या दोघांचे मार्ग वेगळे झाल्याचंच दिसतंय.
म्हणून अक्षय-विद्याला ‘भूल भुलैया २’मध्ये घेतलं नाही
पण पुन्हा ट्विस्ट आणलाय तो कियाराने. येत्या २० मे रोजी कियारा आणि कार्तिक आर्यनचा भूल भूलैया २ हा सिनेमा रिलीज होणार आहे. नुकताच या सिनेमाचा ट्रेलर लाँच झाला. या ट्रेलर लाँच पार्टीत सिध्दार्थ मल्होत्राही आला होता. तर कियारा मात्र कार्तिकसोबत फोटोसेशन करण्यात रंगली होती. रिलेशनशीप, लग्नाच्या शपथा इथंपर्यंत पुढं गेलेल्या नात्यातील जोडीदार सिध्दार्थ मल्होत्रा याच्याकडे मात्र कियाराने पाहिलंही नाही.
या ट्रेलर लाँच कार्यक्रमात तिला विचारलं की, आयुष्यातील एखाद्या व्यक्तीविषयीच्या आठवणी विसरायला तिला आवडेल का? यावर तिने, मी माझ्या आयुष्यात येणाऱ्या प्रत्येक व्यक्तीला माझ्या आयुष्याचा भाग बनवते. त्यामुळे मला कोणालाच विसरायचं नाही. कियाराला विचारलेल्या या प्रश्नाचा रोख अर्थातच सिध्दार्थकडे होता. पण तिच्या उत्तराने मात्र तिने सर्वांनाच बुचकळ्यात टाकलं. या पार्टीत कियारासोबत असलेला कार्तिक आर्यन तर तिच्याकडे पाहतच बसला.
‘माझ्या आईसाठी प्रार्थना करा’, जरीन खानच्या आईची तब्येत बिघडली
दरम्यान, कियाराला नेहमीच बॉलिवूड ड्रीमगर्ल हेमामालिनी यांच्यासारखी दिसत असल्याची कॉम्प्लिमेंट मिळते. कियारा म्हणाली, माझं भाग्य आहे की माझ्या आणि हेमा मालिनी यांच्या चेहऱ्यात साम्य आहे. पण त्या खूप ग्रेट आहेत. अभिनेत्री म्हणून माझ्यासाठी त्या ड्रिमगर्लच आहेत.
