श्रीनगरः कुपवाडामध्ये शुक्रवारी सीमेवर गोळीबार करणाऱ्या पाकिस्तानी सैनिकांना भारतीय जवानांनी दणक्यात प्रत्युत्तर देत अद्दल घडवली. यामुले बिथरलेल्या पाकिस्तानने आता पुंछमध्ये गोळीबार केला. जम्मू-काश्मीर पुंछ जिल्ह्यातील मेंढर आणि बालाकोट सेक्टरमध्ये पाकिस्तानी सैन्याने चिथावणीखोर गोळीबार केला. याला भारतीय लष्कराच्या जवानांनी जोरदार प्रत्युत्तर दिलंय.
पुंछ जिल्ह्यातील मेंढर आणि बालाकोट सेक्टरमध्ये पाकिस्तानने शुक्रवारी मध्यरात्री गोळीबार सुरू केलाय. भारतीय लष्कराकडूनही दणक्यात प्रत्युत्तर देण्यात येत असल्याची माहिती आहे.
काश्मीरच्या कुपवाडातील केरन सेक्टरमध्ये शस्त्रसंधीचं उल्लंघन पाकिस्तानी सैनिकांकडून शुक्रवारी सकाळी ११ वाजता गोळीबार करण्यात आला. हा गोळीबार संध्याकाळी ६ वाजेपर्यंत सुरू होता. या गोळीबाराला दणदणीत प्रत्युत्तर देत भारतीय लष्कराच्या जवानांनी सीमेपलिकडे असलेल्या दहशतवाद्यांचे तळच उद्ध्वस्त केलं. तसंच दहशतवाद्यांचा दारूगोळाची हल्ल्यात नष्ट केला. यासाठी जवानांनी तोफांचा वापर केल्याचं लष्कराच्या सूत्रांनी सांगितलं.
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
