नाशिक : राज्यात उष्णतेची लाट आली असून, बुधवारी नाशिक, मालेगावचे तापमान चाळिशीपार गेल्याने नागरिकांना कडकडीत उन्हाचा सामना करावा लागला. विदर्भातील प्रत्येक ठिकाणी तापमानात वाढ होत असून, बुधवारी ब्रह्मपुरीत सर्वाधिक ४५.१ अंश सेल्सियस तापमान नोंदविण्यात आले आहे. मराठवाड्यात औरंगाबादचे कमाल तापमान ४२.१ अंशांवर गेले होते. मुंबईचेही तापमान ३७ अंशांवर गेल्याने नागरिकांना उष्णतेच्या लाटेने हैराण केले. रणरणत्या उन्हामुळे दुपारी रस्त्यांवर शुकशुकाट पाहायला मिळाला.

मुंबई वगळता उर्वरित कोकण विभागात तापमानामध्ये फारशी वाढ नोंदली गेली नाही. मात्र, राज्यात सर्वदूर कमाल तापमानाचा पारा हा ४० अंशांच्या पुढे गेल्याची नोंद झाली आहे. कोल्हापूर आणि महाबळेश्वर या दोन केंद्रांवर पारा ४० अंशांच्या खाली होता. मात्र नाशिक, मालेगाव, पुणे, लोहगाव, मालेगाव, सांगली, सातारा, सोलापूर, तसेच औरंगाबाद, परभणी, नांदेड, तसेच विदर्भात सर्व केंद्रांवर तापमान ४० अंशांहून अधिक होते. सर्वाधिक तापमान ब्रह्मपुरी येथे ४५.१ अंश सेल्सिअस नोंदवले गेले. वर्धा येथे ४५, तर अकोला आणि नागपूर येथेही कमाल तापमान ४४.८ अंश सेल्सिअस होते. ब्रह्मपुरी खालोखाल वर्धा येथे ४५ अंश, तर अकोला आणि नागपूर येथे ४४.८ अंश सेल्सिअसपर्यंत पारा वर चढला होता. खान्देशात जळगाव जिल्ह्यालाही उष्णतेच्या तीव्र लाटेची प्रचीती आली. जळगावात तापमानाचा पारा ४४ अंशांवर गेला आहे.

पुण्यात महावितरण अ‍ॅक्शनमध्ये, वीजचोर आकडेबहाद्दरांवर कठोर कारवाई
तीव्र वातावरण

पुढील ४८ तासांत दक्षिण मध्य महाराष्ट्राच्या काही भागात व संलग्न भागात मेघगर्जनेसह पावसाची शक्यता आहे, तर पुढील पाच दिवस विदर्भाच्या काही भागात उष्णतेची लाट येण्याची शक्यता आहे, अशी माहिती भारतीय हवामान विभागातर्फे देण्यात आली आहे.

ब्रह्मपुरी ४५.१

नागपूर ४४.८

औरंगाबाद ४३.१

मालेगाव ४३

नाशिक ४१.१

धक्कादायक! लग्नानंतर अवघ्या तासाभरातच दीड लाख रुपये घेऊन नववधू झाली पसार

LEAVE A REPLY

Please enter your comment!
Please enter your name here