परभणी : दुचाकीसमोर अचानक मुंगूस आल्यामुळे युवकाचे दुचाकीवरील नियंत्रण सुटल्याने भरधाव वेगात असलेली दुचाकी दुभाजकावर आदळून युवकाचा मृत्यू झाल्याची दुर्दैवी घटना परभणी तालुक्यातील दैठणा येथे घडली आहे. कांचन भीमराव घोबाळे असे अपघातामध्ये मयत झालेल्या युवकाचे नाव आहे.

असा झाला अपघात…

गंगाखेड तालुक्यातील अंतरवेली येथे कांचन भीमराव घोबाळे हा युवक दुचाकीने गंगाखेडकडे जात होता. भरधाव वेगातील दुचाकी दैठणा गावाजवळ अली तेव्हा दुचाकीसमोर अचानक एक मुंगूस आले. त्यामुळे युवकाचे दुचाकीवरील नियंत्रण सुटले आणि दुचाकी दुभाजकावर जाऊन आदळली. अपघातानंतर दुचाकी तब्बल जवळपास दीडशे फूट अंतरावर फेकली गेली. परिसरात मोठा आवाज झाल्यामुळे घटनेची माहिती समजताच दैठणा येथील उपसरपंच अभय कछवे व ग्रामस्थांनी तातडीने मदतकार्य करत जखमी युवकाला १०८ रुग्णवाहिकेच्या साह्याने रुग्णालयात दाखल करण्यात आले. मात्र, वाटेतच कांचन घोबाळे याचा मृत्यू झाल्याची माहिती डॉक्टरांनी दिली.

मराठी नामफलकांच्या अंमलबजावणीसाठी तयारी; पाच लाख दुकाने पालिकेच्या रडारवर
दरम्यान, परभणी गंगाखेड या महामार्गाचे काम दैठणा गावाजवळ पूर्ण झाले आहे. त्यामुळे वाहने भरधाव वेगाने चालवली जात आहेत. त्यामुळे दैठणा येथे अपघाताचे प्रमाण वाढले आहे.

टीका झेलण्यासाठी आमचे खांदे मजबूत; संजय राऊतांच्या वक्तव्यावर न्यायालयाची टिप्पणी

LEAVE A REPLY

Please enter your comment!
Please enter your name here