शिवसेना खासदार कृपाल तुमाणे यांनी रवी राणा आणि नवनीत राणा यांच्या संदर्भातील आणखी व्हिडीओ समोर येतील असं म्हटलं आहे. रवी राणा आणि नवनीत राणा यांनी केलेल्या आरोपांना पोलीस उत्तर देतील असं ते म्हणाले.

 

Navneet Rana Ravi Rana
रवी राणा नवनीत राणा

हायलाइट्स:

  • शिवसेना खासदार कृपाल तुमाणेंचा मोठा दावा
  • राणा दाम्पत्यावर दुपारी ३ वाजता व्हिडीओ बॉम्ब
  • राणा दाम्पत्याचा अडचणी वाढणार?
मुंबई : अमरावतीच्या अपक्ष खासदार नवतीन राणा आणि रवी राणा यांच्या जामीन अर्जावर उद्या सुनावणी होणार आहे. राणा दाम्पत्याच्या अडचणी वाढत असल्याचं चित्र आहे. नवनीत राणा यांनी लोकसभा अध्यक्षांकडे तक्रार केली होती. तुरुंगात पाणी देखील दिलं गेलं नाही, असं त्या म्हणाल्या होत्या. यानंतर मुंबईचे पोलीस आयुक्त संजय पांडे यांनी एक व्हिडीओ ट्विट करुन राणा यांच्या आरोपाला उत्तर दिलं होतं. आता शिवसेना खासदार कृपाल तुमाणे यांनी आज दुपारी ३ वाजता आणखी व्हिडीओ समोर येणार असल्याचं म्हटलं आहे. राणा दाम्पत्यासंदर्भातील आणखी व्हिडीओ पोलिसांकडून समोर येतील, असं तुमाणे म्हणाले आहेत. सरकारवर आणि पोलिसांवर राणा दाम्पत्यानं लावलेल्या आरोपांना उत्तर देणारे व्हिडीओ समोर येतील, असं तुमाणे यांनी सांगितलं आहे.

कृपाल तुमाणे यांनी पोलिसांकडून काही व्हिडीओ आज प्रसिद्ध केले जातील, असं म्हटलं आहे. राणा यांनी पोलिसांवर आणि सरकारवर केलेल्या आरोपांना उत्तर देण्यासाठी पोलिसांकडून व्हिडीओ जारी केले जाणार आहेत. राणा दाम्पत्यानं परमेश्वराच्या नावावर खोटं बोलण्याचं काम केलं, असा आरोप तुमाणे यांनी केला आहे.
ईडीची अवस्था बिडीसारखी झालीय, माझ्या हातात द्या मग यांना दाखवतो: उदयनराजे भोसले
राणा दाम्पत्याला वांद्रे कोर्टानं १४ दिवसांची न्यायालयीन कोठडी सुनावली आहे. या प्रकरणी उद्या सुनावणी होणार आहे त्यामध्ये राज्य सरकार त्यांची बाजू मांडणार आहे. नवनीत राणा आणि रवी राणा यांनी घरचं जेवण मिळावं यासाठी न्यायालयात अर्ज केला आहे. राणा दाम्पत्याच्या अर्जावर उद्या सुनावणी होणार आहे.
गणेश नाईक DNA चाचणीसाठी तयार; अटकेची टांगती तलवार कायम
नवनती राणा आणि रवी राणा यांना खार पोलिसांनी अटक केली होती. त्यांनंतर राणा दाम्पत्याला रविवारी वांद्रे कोर्टानं १४ दिवसांची न्यायालयीन कोठडी सुनावली. यानंतर राणा दाम्पत्यानं त्यांच्या विरोधात दाखल करण्यात आलेले एफआयर फेटाळण्यासाठी मुंबई हायकोर्टात धाव घेतली होती. मात्र, मुंबई हायकोर्टानं त्यांची याचिका फेटाळली. राणा दाम्पत्यानं यानंतर मुंबई सत्र न्यायालयात जामीनासाठी अर्ज दाखल केला आहे. नवनीत राणा आणि रवी राणा यांच्यावर मुंबई पोलिसांनी सरकारी कामात अडथळा आणणे, प्रक्षोभक वक्तव्य यासंदर्भात गुन्हे दाखल केले आहेत. राणा दाम्पत्यावर राजद्रोहाचं कलम देखील लावण्यात आलं आहे.

जवळच्या शहरातील बातम्या

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

Web Title : shivsena mp krupal tumane said mumbai police will release video of navneet rana and ravi rana
Marathi News from Maharashtra Times, TIL Network

LEAVE A REPLY

Please enter your comment!
Please enter your name here