मयत सविता खामकर (वय १६ रा.पोळगाव ता. आजरा) आणि किशोर सुरंगे (रा. महागाव ता. गडहिंग्लज या दोघांचे प्रेमसंबंध होते. घरच्यांनाही याची कल्पना होती. या दोघांच्या लग्नाची बोलणीही सुरू होती. मुलीचे १८ वय पूर्ण झाल्यानंतर लग्न लावू, असं मुलीच्या वडिलांनी सांगितले होते. मात्र, आपला फोटो व्हॉट्सअ‍ॅपला डिपीला लावण्याचा हट्ट धरत किशोर याने सविताला मारहाण आणि मानसिक त्रास दिला. याचा धक्का सहन न झाल्याने सविताने टोकाचे पाऊल उचलत आपल्या राहत्या घरी स्वयंपाक घरातील तुळीला ओढणीने गळफास लावून आत्महत्या केली.
राणा दाम्पत्याचा बाहेर पडण्याचा मार्ग कठीण? जामीन अर्जावर उद्या सुनावणी
या धक्कादायक घटनेमुळे परिसरात हळहळ व्यक्त केली जात आहे. याप्रकरणी मयत मुलीच्या वडिलांनी दिलेल्या फिर्यादीवरून संशयित किशोर दत्तात्रय सुरंगे याच्याविरोधात आजरा पोलिसात गुन्हा दाखल करण्यात आला आहे. नोव्हेंबर २०२१ ते एप्रिल २०२२ या कालावधीत संशयित आरोपी किशोर सुरंगे यांने मानसिक त्रास देऊन मारहाण केल्याने मयत तरुणीने आत्महत्या केली असल्याची फिर्याद तिच्या वडिलांनी पोलिसात दिली असून आजरा पोलीस या प्रकरणी अधिक तपास करीत आहेत.
उष्णतेच्या लाटेचे देशात ‘त्राहि माम’, विदर्भासाठी हवामान विभागाचा इशारा
