Rupali Thombre Patil | पुनम गुंजाळ यांना ‘एक करोड ताईवर नाराज’ या ग्रुपवर जॉईन होण्यासाठी ग्रुपचे अॅडमीन धैर्यशील पाटील यांनी रिक्वेस्ट पाठवली होती. पुनम गुंजाळ यांनी ही रिक्वेस्ट स्वीकारत त्या ग्रुपवर जॉईन झाल्या होत्या.
हायलाइट्स:
- फिर्यादी यांनी कोणत्याही महिलेविषयी असे बोलू नये असा मेसेज केला
- आरोपींनी रुपाली पाटील यांना अश्लील शिवीगाळ केली
माफी मागितली की सगळं संपलं का?; रुपाली पाटील-ठोंबरे बंडातात्यांवर बरसल्या!या प्रकरणी मनसेच्या पदाधिकाऱ्यावर पुण्यातील फरासखाना पोलीस स्टेशनमध्ये गुन्हा दाखल करण्यात आला आहे. याबाबत पुनम गुंजाळ यांनी तक्रार दिली होती. या तक्रारीवरून सागर चव्हाण, गजानन पाटील, ध्रुवराज ढकेडकर , राजेश दंडनाईक, सचीन कोमकर, सावळया कुंभार, निजामुदिदन शेख, सुधीर लाड व इतर जणांविरोधात गुन्हा दाखल करण्यात आला आहे.
वहिनीसाहेब स्वत-ला आवरा ; रुपाली ठोंबरेंचा अमृता फडणवीसांना सल्ला
पोलिसांकडे नोंदवलेल्या तक्रारीनुसार, पुनम गुंजाळ यांना ‘एक करोड ताईवर नाराज’ या ग्रुपवर जॉईन होण्यासाठी ग्रुपचे अॅडमीन धैर्यशील पाटील यांनी रिक्वेस्ट पाठवली होती. पुनम गुंजाळ यांनी ही रिक्वेस्ट स्वीकारत त्या ग्रुपवर जॉईन झाल्या होत्या. मात्र, या फेसुबक ग्रुपवर रुपाली पाटील ठोंबरे यांची कुठलीही परवानगी न घेता त्यांचे फोटो अपलोड केल्याचे दिसले. त्यानंतर फिर्यादी यांनी कोणत्याही महिलेविषयी असे बोलू नये असा मेसेज केला. यावर आरोपींनी रुपाली पाटील यांना अश्लील शिवीगाळ केली. आरोपी सुधीर लाड याने स्वतःच्या पर्सनल अकाऊंटवरून फेसबुक लाइव्ह करून रुपाली पाटील-ठोंबेर यांना शिवीगाळ केली आणि त्यांची खिल्ली उडवली. त्यानंतर पुनम गुंजाळ यांनी फरासखाना पोलिसात बदनामी केल्याचा गुन्हा दाखल केला होता. सध्या फरासखाना पोलीस या प्रकरणाचा अधिक तपास करत आहेत.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
या बातम्यांबद्दल अधिक वाचा
Marathi News from Maharashtra Times, TIL Network
