मुंबई :करिश्मा कपूर आणि पूजा भट्ट भलेही आज एकमेकांशी नातं जुळलं आहे. परंतु ३० वर्षांपूर्वी या दोघींमध्ये कडाक्याचं भांडण झालं होतं. हे भांडण बॉलिवूडमध्ये खूपच गाजलं होतं. अनेक वर्ष त्या दोघीजणी एकमेकींशी बोलतही नव्हत्या. त्यावेळी असं कुणालाच वाटलं नव्हतं की भविष्यात या दोघीजणी एकमेकांशी अगदी जवळच्या नात्यानं बांधल्या जातील. या गोष्टींना पुन्हा एकदा उजाळा मिळाला आहे तो पूजा भट्टची बहीण आलिया आणि करिश्मा कपूरचा चुलत भाऊ रणबीर कपूर यांचं लग्न झाल्यानं. करिश्मा आणि पूजा यांच्यामध्ये नेमकं कोणत्या कारणामुळे भांडण झालं होतं? हे जाणून घेण्याआधी या दोन्ही अभिनेत्रींबद्दल जाणून घेऊ या.

करिश्मानं जेव्हा केलं पदार्पण तेव्हा पूजाचा सिनेमा झाला हिट

करिश्मा कपूरनं १९९१ मध्ये बॉलिवूडमध्ये पदार्पण केलं. प्रेम कैदी या तिच्या पहिल्या सिनेमाला ठीकठाक प्रतिसाद मिळाला होता. त्यानंतर तिचे पाच सिनेमे रिलीज झाले. परंतु ते सर्व फ्लॉप झाले. १९९२ मध्ये रिलीज झालेल्या जिगर या सिनेमानं करिश्माला एका रात्रीत लोकप्रियता मिळवून दिली. त्यानंतर रिलीज झालेल्या अनाडी या सिनेमालाही खूप लोकप्रियता मिळाली होती. तर पूजा भट्टनं १९८९ मध्ये बॉलिवूडमध्ये पदार्पण केलं होतं. ज्यावर्षी करिश्मानं सिनेमात पदार्पण केलं होतं, त्याच वर्षी पूजा भट्टचा ‘दिल है की मानता नही’ हा सिनेमा सुपरहिट ठरला होता. या सिनेमामुळे बॉलिवूडमध्ये एकच खळबळ उडाली होती.

अमिताभ बच्चन- अजय देवगणचा Runway 34 पाहून प्रेक्षक सैराट, म्हणाले…

पूजा भट्ट

पूजा-करिश्मामध्ये दोघींमध्ये होती स्पर्धा

१९९६-९९ च्या कालखंडामध्ये करिश्मा कपूर आणि पूजा भट्ट दोघी जणी खूपच लोकप्रिय अभिनेत्री होत्या. दोघींकडे सिनेमांच्या खूप ऑफर होत्या. करिश्मा आणि पूजामध्ये तीव्र स्पर्धा होती. ही स्पर्धा इतकी होती की त्या दोघी जणी एकमेकींच्या समोरही उभ्या रहायच्या नाहीत. दोघींमध्ये ठसन होती. असं असलं तरी १९९१ मध्ये या दोघींचा ‘स्टारडस्ट’ मासिकाच्या कव्हरवर एकत्र फोटो छापला होता. या फोटोमध्ये त्यांच्याबरोबर रवीना टंडन आणि उर्मिला मातोंडकर देखील होत्या.

पूजा भट्टनं करिश्माच्या आईवर केली कॉमेन्ट

करिश्मा कपूर आणि पूजा भट्ट यांचं ज्यावेळी भांडण झालं त्यावेळी दोघीजणी त्यांच्या करिअरच्या टॉपवर होत्या. त्यावेळी पूजानं करिश्माच्या आई-वडिलांवर काही व्यक्तिगत टीका केली होती. या दोघींचं भांडण झालं त्यावेळी बबिता आणि रणधीर यांच्या दुरावा येऊन ते वेगळे झाले होते. त्यामुळेच पूजानं करिश्माच्या आईवडिलांवर टीका केली. करिश्माच्या आईमुळे तिचं करिअर उद्धवस्त होत असल्याची टीका तिनं केली होती. ही गोष्ट करिश्माला खूप लागली.

Photos- ‘हिरोपंती २’ च्या स्क्रीनिंगला दिशा पाटनीचीच चर्चा

पूजा भट्ट

करिश्मानं पूजाला दिलं उत्तर

या दोघींच्या भांडणानंतर बॉलिवूडमध्ये बबितामुळे करिश्माचं करिअर उद्धवस्त होत असल्याची गोष्ट सगळीकडं चर्चिली जाऊ लागली. दोघींच्या भांडणानंतर करिश्मानं स्टारडस्टला मुलाखत दिली. तिनं या मुलाखतीमध्ये सांगितंल की, ‘माझ्या आयुष्यावर आईचा प्रभाव आहे ही गोष्ट बकवास आहे. ही गोष्ट एका मासिकामुळे पसरली. त्यामध्ये आलेल्या लेखामध्ये माझ्या नावाचा उल्लेख होता आणि त्यांनी त्या मासिकाच्या काही कॉपी खपवल्या. हे त्यांनी जाणीवपूर्वक केलं. कारण मी त्यांना लेखासाठी नकार दिला होता. त्यामुळे त्यांनी माझ्यावर अशा प्रकारे टीका केली. परंतु मला त्याच्यावर वेळ वाया घालवायचा नाही. माझी आई माझ्या करिअरमध्ये अजिबात दखल देत नाही. वास्तविक माझी आई इतर स्टार आईंसारखी नाही. ती माझ्याबरोबर कधीही शूटिंगला येत नाही.’

पूजानं दिलं करिश्माला उत्तर

करिश्मानं पुढं सांगितलं की, ‘मला माहिती आहे की पूजा भट्टनं माझ्या आईबाबत खूप अवमानकारक वक्तव्य केली आहे. तिचा नेमका काय प्रॉब्लेम आहे हे मला माहिती नाही. तिनं गप्प बसायला हवं होतं. मला असं वाटतं की तिच्यात काही गडबड आहे. मी तिला मदत करू शकते. मला असं वाटतं की, कधी तरी मला असं वाटतं की ती माझ्या नावाचा वापर करून तिचे विचार ती मांडत आहे. परंतु मी मिस भट्टला असं सांगेन की तिनं तिचे विचार स्वतःपुरते सीमित ठेवायला हवे. जर तिला काही सांगायचं असेल तर तिनं थेट मला येऊन सांगावं. माझ्या पालकांवर अशा पद्धतीनं अवमानकारक वक्तव्य करू नये. माझ्या आईनं तिच्या वडिलांकडे माझं खूप कौतुक केलं होतं. तरीदेखील पूजानं माझ्या आईबद्दल अपशब्द वापरले होते. मी तिच्या आईबद्दल वाईट बोलले तर तिलाही ते आवडणार नाही. अर्थात मी तसं काही करणार नाही. कारण माझ्यावर चांगले संस्कार झाले आहेत.’

करिष्मा कपूर

पूजा भट्ट आणि करिश्मा कपूर यांच्यातील या वादाची त्यावेळी खूप चर्चा झाली होती. दोघींनी कोणत्याही सिनेमात एकत्र काम केलं नाही. ज्या दोघी अभिनेत्रींनी कधीही एकत्र काम केलं नाही. ज्या दोघीजणी एकमेकींसमोर कधीच उभ्या ठाकल्या नाहीत. आज त्याच दोघीजणी एकमेकींच्या नातेवाईक झाल्या आहेत. पूजा भट्टची बहिण करिश्माची वहिनी झाली आहे.

LEAVE A REPLY

Please enter your comment!
Please enter your name here