सुरज कांबळे

गेल्या काही वर्षांपासून हॉलिवूडला भारतात चित्रपट प्रदर्शित करणं फार महत्त्वाचं वाटू लागलं आहे. लॉकडाउनच्या आधीच मार्व्हलच्या चित्रपटांनी अनेक चित्रपटांचे विक्रम मोडले होते. यामुळे भारतात प्रदर्शित होणाऱ्या हॉलिवूड चित्रपटांचं प्रमाणदेखील वाढलं आहे. २०१९मध्ये पाच महिन्यांपेक्षा कमी कालावधीत ३० हॉलिवूड चित्रपट प्रदर्शित झाले होते. भारतीय प्रेक्षकांचा हॉलिवूड चित्रपटांकडे वाढता कल पाहता या वर्षातसुद्धा त्या सिनेमांच्या प्रदर्शनाची संख्या वाढली आहे. या वर्षात आतापर्यंत ६० हॉलिवूडपट जगभर प्रदर्शित झाले असून त्यातील ३८ चित्रपट भारतात प्रदर्शित झाले.
‘शेर शिवराज’ दिग्दर्शकावर भडकले अमोल कोल्हे, दिग्पाल लांजेकरांनी मागितली माफी; नक्की काय झालं
हॉलिवूडपटांचा बॉक्स ऑफिसवर मोठ्या प्रमाणावर प्रभाव दिसून येतो. हे सिनेमे प्रादेशिक आणि बॉलिवूड सिनेमांना तगडी टक्कर देत आहेत. गेल्या वर्षी प्रदर्शित झालेला ‘स्पायडरमॅन : नो वे होम’ या चित्रपटानं भारतात तब्ब्ल २१८ कोटींची कमाई केली; तर मार्च महिन्यात प्रदर्शित झालेल्या ‘बॅटमॅन’नं फक्त एका आठवड्यात ३५ कोटींची कमाई केली. गेल्या वर्षी ऑक्टोबरमध्ये चित्रपटगृह निम्म्या आसनक्षमतेनं सुरू झाल्यावर हॉलिवूडनं भारतातही त्यांचे चित्रपट प्रदर्शित करण्यास सुरुवात केली. त्यात मार्व्हल हा चित्रपट अग्रेसर होता. मार्व्हल सिनेमॅटिक युनिव्हर्सचा सगळ्यात मोठा चाहतावर्ग भारतात आहे. सुपरहिरो चित्रपट भारतीय प्रेक्षकांना भुरळ पाडण्यात नेहमीच यशस्वी ठरले आहेत.
मराठी चित्रपटातील ‘आवडाक्का’ काळाच्या पडद्याआड, अभिनेत्री प्रेमा किरण यांचे निधन
२०२१मध्ये फेडरेशन ऑफ इंडियन चेंबर्स ऑफ कॉमर्स अँड इंडस्ट्रीच्या सर्वेक्षणानुसार सरकारला ५०० कोटींचा महसूल फक्त हॉलिवूड चित्रपटांनी मिळवून दिला आहे. हॉलिवूडपटांचं भारतातील वाढतं प्रस्थ प्रादेशिक आणि हिंदी चित्रपटांच्या बरोबरीपर्यंत येऊन थांबलं आहे. आता यापुढे ‘डॉक्टर स्ट्रेंज अँड द मल्टीवर्स ऑफ मॅडनेस’, ‘डाउनटन अॅबी: अ न्यू एरा’, ‘टॉप गन: मॅव्हरिक’, ‘जुरासिक वर्ल्ड: डोमिनियन’, ‘ट्रान्सफॉर्मर्स: राइज ऑफ द बीस्ट्स’, ‘लाइटइयर’, ‘मिनियन्स: द राइज ऑफ ग्रू’ आणि ‘थोर: लव्ह अँड थंडर’ हे बहुचर्चित चित्रपट प्रदर्शनाच्या वाटेवर असून यांच्याव्यतिरिक्त अजून १४ हॉलिवूड चित्रपट प्रदर्शित होणार असून प्रेक्षकांना मनोरंजनाची मोठी मेजवानी मिळणार आहे.

पुढच्या आठवड्यात प्रदर्शित होणाऱ्या ‘डॉ. स्ट्रेंज अँड द मल्टीवर्स ऑफ मॅडनेस’ या चित्रपटाचं ४ कोटी रुपयांचं आगाऊ बुकिंग झालं आहे. हा आकडा चित्रपट प्रदर्शनाच्या आधीच १० कोटींपर्यंत जाण्याची शक्यता आहे. तर जूनमध्ये प्रदर्शित होत असलेल्या ‘जुरासिक वर्ल्ड: डोमिनियन’ या चित्रपटासाठी अनेक तरुण चाहत्यांसह जुन्या जुरासिक पार्कचे चाहतेही उत्सुक आहेत. या चित्रपटाच्या निमित्तानं जुरासिक पार्कचे मुख्य कलाकार पुन्हा एकदा ‘जुरासिक वर्ल्ड’मध्ये दिसणार आहेत. तर अनेकांनी लहानपणी पाहिलेल्या ‘टॉय स्टोरी’तील ‘बझ लाइटइयर’ या पात्रावर लाइटइयर हा चित्रपट येत येतोय. यात मार्व्हल चित्रपटात कॅप्टन अमेरिका साकारणारा ख्रिस एव्हन्स हा कलाकार बझची भूमिका साकारत आहे. या चित्रपटासह अनेक मराठी, हिंदी सिनेमेही प्रदर्शित होणार आहेत. चित्रपट कोणताही असला तरी प्रेक्षकांना मात्र यावर्षात लॉकडाउनमुळे राहून गेलेला सिनेमॅटिक अनुभव पुन्हा एकदा अनुभवायला मिळणार आहे. त्यात हॉलिवूड सिनेमांमुळे या अनुभवाचा आनंद द्विगुणित होणार आहे, हे नक्की.

LEAVE A REPLY

Please enter your comment!
Please enter your name here