धर्मेंद्र यांचा ट्विटर व्हिडिओ
त्यानंतर ते नियमित तपासणीसाठी मुंबईच्या ब्रीच कँडी इस्पितळात गेले, परंतु तेव्हा त्यांना आयसीयूमध्ये दाखल करण्यात आले नाही, असे सूत्रांनी सांगितले. ज्येष्ठ अभिनेत्याने आपल्या ट्विटरवर एक व्हिडिओ शेअर केला आहे. यात त्यांनी म्हटलं की, ‘मित्रांनो, काहीही संपवू नका. मी केले आणि मला त्रास झाला. पाठीचा एक मोठा स्नायू ओढला गेला. त्यामुळे मला इस्पितळात जावं लागलं. गेल्या चार दिवसांपासून खूप त्रास झाला. तरी तुमच्या शुभेच्छा आणि आशीर्वादाने मी परत आलो आहे. त्यामुळे, काळजी करू नका. आता मी खूप काळजी घेईन.’
धर्मेंद्र यांचे आगामी सिनेमे
भारतीय सिनेसृष्टीतील सर्वात मोठ्या स्टारपैकी एक असलेल्या धर्मेंद्र यांनी १९६० मध्ये अर्जुन हिंगोरानीच्या ‘दिल भी तेरा हम भी तेरे’ या सिनेमाद्वारे पदार्पण केलं होतं. त्यांच्या काही सर्वोत्कृष्ट सिनेमांमध्ये ‘शोले’, ‘चुपके चुपके’, ‘यादों की बारात’, ‘सत्यकम’ आणि ‘सीता और गीता’ सारख्या सिनेमांचा समावेश आहे. धर्मेंद्र पुढे करण जोहर दिग्दर्शित ‘रॉकी और रानी की प्रेम कहानी’ मध्ये दिसणार आहेत. या सिनेमात त्यांच्यासोबत जया बच्चन, शबाना आझमी, आलिया भट्ट आणि रणवीर सिंग यांच्यासोबत दिसणार आहे.
