पुणे: मुंबईनंतर पुण्यात करोनाचा फैलाव अधिक झालेला दिसून येतो. येरवडा येथील एका वृद्ध महिलेचा ससून रुग्णालयात करोनानं मृत्यू झाल्याचं स्पष्ट झालं आहे. त्यामुळं पुण्यातील मृतांचा आकडा आता २९ वर पोहोचला आहे.
येरवडा येथील ६४ वर्षांच्या महिलेचा ससून रुग्णालयात करोनामुळे मृत्यू झाला. या महिलेला खासगी रुग्णालयातून काल ससून रुग्णालयात उपचारासाठी आणले होते. तिच्या घशातील स्त्रावाचे नमुने घेऊन चाचणीसाठी पाठविले होते. उपचारादरम्यान तिचा काल रात्री उशिरा मृत्यू झाला. चाचणीचा अहवाल आज आला. त्यात महिलेला करोनाचा संसर्ग झाल्याचं स्पष्ट झालं. त्यामुळं पुण्यातील मृतांची संख्या आता २९वर पोहोचली आहे.
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
