Devendra Fadnavis |बाबरी मशिदीचे पतन होताना आपण अयोध्येत होतो, या देवेंद्र फडणवीस यांच्या दाव्याचाही शिवसेनेकडून समाचार घेण्यात आला आहे. बाबरी ढांचा पाडताना एकही शिवसैनिक अयोध्येत नव्हता, असे फडणवीस म्हणतात

 

Devendra Fadnavis Sanjay Raut
Devendra Fadnavis|मशिदीवरचे भोंगे काढायला लावले तर यांची हातभर फाटली आणि बाबरी मशीद आम्ही पाडली, असं सगळीकडे सांगत सुटतात, अशी टीका फडणवीस यांनी शिवसेनेवर केली होती.

हायलाइट्स:

  • भाजपला वैफल्याने ग्रासले आहे
  • हिंदू मुस्लीम दंगलीत दोन्ही बाजूंचे मोठे नुकसान झाले आहे
मुंबई: बाबरी मशीद पाडताना मी अयोध्येत होते, पण त्याठिकाणी एकही शिवसैनिक नव्हता, असा छातीठोक दावा करणारे भाजप नेते देवेंद्र फडणवीस (Devendra Fadnavis) यांचा शिवसेनेकडून चांगलाच समाचार घेण्यात आला आहे. शिवसेनेचे अनेक नेते आणि शिवसैनिकांची नावे बाबरी प्रकरणाच्या आरोपपत्रात आहेत. मग देवेंद्र फडणवीस ‘मिस्टर इंडिया’ बनून बाबरीच्या ढांच्यावर हातोडा मारत होते का, असा खोचक सवाल शिवसेनेचे (Shivsena) मुखपत्र असलेल्या ‘सामना’तून उपस्थित करण्यात आला आहे.
राज ठाकरे म्हणजे भाजपचं उपवस्त्र; ‘सामना’तून शिवसेनेची बोचरी टीका
अयोध्या लढ्याचे सेनापती लालकृष्ण अडवाणी यांनीही ‘आम्ही बाबरी पाडली नाही. बाबरी पडल्याचे कळताच मला धक्का बसला. तो आमच्यासाठी काळा दिवस होता’, असे स्पष्ट केले होते. भाजपचे तत्कालीन राष्ट्रीय उपायुक्त सुंदरसिंह भंडारी यांनीही बाबरी पाडण्यात भाजपचा हात नसून हे कार्य शिवसैनिकांनी केले असावे, असे सांगितले होते. सुंदरसिंह भंडारी हे आज हयात नाहीत. मात्र, त्यांचे हे वक्तव्य देवेंद्र फडणवीस यांच्यावर अन्याय करणारे आहे. भाजपला वैफल्याने ग्रासले आहे आणि त्यांना धार्मिक तणाव निर्माण करायचा आहे. हिंदू मुस्लीम दंगलीत दोन्ही बाजूंचे मोठे नुकसान झाले आहे. औरंगाबादपासून मुंबईपर्यंत शिवसेना हिंदुत्व रक्षणाची ढाल म्हणून वावरली आहे. पण या लढाईत भाजप आणि त्यांचे उपवस्त्रे (मनसे) कोठे होती, असा सवाल ‘सामना’तील अग्रलेखातून उपस्थित करण्यात आला आहे.
‘भोंगे काढायले सांगितले, तर हातभर फाटली आणि हे म्हणतात बाबरी आम्ही पाडली’
या मंडळींना आता हिंदू हिंदूंतच दंगली पेटवायच्या आहेत. मुंबईत मराठी माणसांत फूट पाडण्याचे काम झाले, ते प्रयोग यशस्वी झाले नाहीत. आता हिंदूंनाच एकमेकांविरुद्ध मैदानात उतरवण्याचा कावा स्पष्टपणे दिसत आहे. शिवसेनेने भोंग्यांच्या मुद्द्यावरून घाबरण्याचा प्रश्न येतोच कुठे? धमक्या व इशारे देण्यापेक्षा तुम्ही चीनला का व कसे घाबरताय त्यावर बोला. लडाखच्या हद्दीत चिनी सैन्य घुसल्यापासून कोणाची कशी हातभर फाटली ते देशाने पाहिले आहे, असा टोला शिवसेनेकडून देवेंद्र फडणवीस यांना लगावण्यात आला.

ज्यांना काहीच काम नाही ते भोंग्यांबद्दल बोलतायत | संजय राऊत

जवळच्या शहरातील बातम्या

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

Web Title : shivsena slams bjp leader devendra fadnavis over claim that shivsena workers not present in ayodhya at time of babri demolition
Marathi News from Maharashtra Times, TIL Network

LEAVE A REPLY

Please enter your comment!
Please enter your name here