LIC IPO ; गुंतवणूक करायची आहे, जाणून घ्या अर्ज करण्याची सविस्तर पद्धत
आयपीओमध्ये एलआयसी कर्मचाऱ्यांसाठी १० टक्के, किरकोळ गुंतवणूकदारांसाठी ८ टक्के, एचएनआय गुंतवणूकदारांसाठी २ टक्के हिस्सा राखीव ठेवण्यात आला आहे. आज आयपीओ खुला होताच गुंतवणूकदारांनी तुफान प्रतिसाद दिला आहे.
LIC IPO मध्ये तुम्ही किती गुंतवणूक करु शकता?
एलआयसीने किरकोळ गुंतवणूकदारांसाठी १६,२०,७८,०६७ शेअर राखीव ठेवले आहेत. त्यापैकी आज बाजार सुरु होताच अर्धा तासात गुंतवणूकदारांकडून ७०,६१,९७० शेअरची मागणी नोंदवण्यात आली आहे. एका तासांत हा आकडा १२ टक्क्यांवर गेला आहे. एकूण राखीव शेअरपैकी १२ टक्के शेअरसाठी बोली लावण्यात आली आहे.
लाखात एक संधी! ‘LIC IPO’चे महाद्वार उघडले, जाणून घ्या ब्रोकर्सचा सल्ला
एलआयसीच्या एका समभागाच्या खरेदीसाठी ९०२ रुपये ते ९४९ रुपये हा दरपट्टा घोषित करण्यात आला आहे. एलआयसी पाॅलिसीधारकांना या भागखरेदीवर ६० रुपये प्रतिसमभाग सवलत देणार आहे. अन्य किरकोळ गुंतवणूकदारांना ४५ रुपये सवलत दिली जाणार आहे.
आजपासून गुंतवणूक; सहा दशकांत घराघरांत ‘एलआयसी’चा डंका, ‘IPO’ला होईल फायदा
काल सोमवारी ३ मे २०२२ रोजी या आयपीओला अँकर गुंतवणूकदारांनी उत्तम प्रतिसाद दिला होता. एलआयसीचा आयपीओ हा आतापर्यंतचा सर्वात मोठा आयपीओ ठरणार आहे. याआधी पेटीएमचा आयपीओ २०२१मध्ये आला होता, जो १८,३०० कोटी रुपयांचा होता. त्यापूर्वी २०१०मध्ये आलेला कोल इंडियाचा १५,२०० कोटी रुपयांचा आयपीओ सर्वात मोठा आयपीओ मानला गेला होता.
