ताज महल पॅलेसमधील काही कर्मचाऱ्यांचा करोना चाचणी अहवाल पॉझिटिव्ह आला आहे. त्यांच्यावर आवश्यक उपचार तातडीने सुरू करण्यात आले आहेत आणि सर्वांची प्रकृती सध्या स्थिर आहे, असे मुंबई इस्पितळातून सांगण्यात आले आहे.
मुंबई महापालिका आरोग्य विभागाच्या उपसंचालक डॉ. दक्षा शहा यांनीही याबाबत प्रतिक्रिया देताना, ताज हॉटेलच्या तीन कर्मचाऱ्यांना रुग्णालयात दाखल करण्यात आल्याचे सांगितले. तर करोनाची लक्षणे असलेल्या ताजच्या काही कर्मचाऱ्यांना क्वारंटाइन करण्यात आल्याचे एका वरिष्ठ अधिकाऱ्याने सांगितले. दुसरीकडे सूत्रांच्या म्हणण्यानुसार, ताजच्या ४ कर्मचाऱ्यांना ८ एप्रिल रोजी तर आणखी दोन कर्मचाऱ्यांना आज रुग्णालयात दाखल करण्यात आले आहे.
दरम्यान, ताज हॉटेलचं व्यवस्थापन सांभाळत असलेल्या द इंडियन हॉटेल्स कंपनीने याबाबत एक निवेदन जारी केले आहे. ज्या कर्मचाऱ्यांचा तपासणी अहवाल पॉझिटिव्ह आला आहे व ज्यांच्यात करोना सदृष्य लक्षणे आढळली आहेत, अशा सर्वांना तातडीने क्वारंटाइनमध्ये पाठवण्यात आले आहे. सरकारच्या स्थानिक यंत्रणांच्या सर्व सूचना पाळल्या जात आहेत, असे त्यात नमूद करण्यात आले आहे.
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
