मुंबई : महाराष्ट्रात (Maharashtra) गेलेया काही दिवसांपासून धार्मिक स्थळांवरील (Religious Places) लाऊडस्पीकर्सचा मुद्दा चर्चेत आहे. मनसे (MNS) प्रमुख राज ठाकरे (Raj Thackeray) यांनी मशिदीवरील भोंगे उतरवले नाहीत तर हनुमान चालिसा दुप्पट आवाजात लावण्याचे आदेश कार्यकर्त्यांना दिले होते. मुंबईतील २६ मशिदींच्या प्रमुखांनी बैठक घेत सर्वोच्च न्यायालयाच्या निर्णयाप्रमाणं सकाळची अजान भोंग्याविना करण्याचा निर्णय घेतला आहे.
वसंत मोरेंचा नवा लूक, नवी भूमिका; थेट तिरुपतीतून केलेल्या फेसबुक पोस्टने चर्चांना उधाण
बुधवारी रात्री दक्षिण मुंबईतील २६ मशिदींच्या प्रमुखांनी बैठक घेतली. या बैठकीत सर्वोच्च न्यायालयाच्या निर्णयाचं पालन करण्याचा निर्णय घेण्यात आला आहे. सकाळी होणारी अजान लाऊड स्पीकरशिवाय करण्याचा निर्णय घेण्यात आला. सुन्नी बडी मशीदीमध्ये या बैठकीचं आयोजन करण्यात आलं होतं. भायखळाच्या मदनपुरा, नागपाडा आणि आग्रीपाडामधील मशिदींचे प्रतिनिधी या बैठीकत सहभागी झाले होते.

सुप्रीम कोर्टाच्या निर्णयाप्रमाणं रात्री १० ते पहाटे ६ पर्यंत लाऊडस्पीकरवर अजान न वाजवण्याचा निर्णय बैठकीत घेण्यात आला. या निर्णयाचं पालन करत आज सकाळी मुंबईतील मिनारा मशिदीमध्ये लाऊडस्पीकरशिवाय सकाळची अजान पार पडली.

महाराष्ट्र नवनिर्माण सेनेचे अध्यक्ष राज ठाकरे यांनी काल पत्रकार परिषद घेत भोंग्यांसदर्भातील आंदोलनाबाबत भूमिका स्पष्ट केली आहे.जोपर्यंत मशिदीवरील भोंगे उतरवले जात नाहीत तोपर्यंत आंदोलन सुरु ठेवणार असल्याचं ते म्हणाले. राज ठाकरे यांनी कार्यकर्त्यांना मशिदीसमोर दुप्पट आवाजात भोंग्यावर हनुमान चालिसा लावण्याचे आदेश दिले आहेत. मनसेच्या इशाऱ्यानंतर मुंबईच्या पोलीस आयुक्तांनी शहरातील सर्व धार्मिक स्थळांना लाऊड स्पीकरसाठी परवानगी घेण्याच्या सूचना देण्यात आली आहे. मुंबई पोलिसांकडून धार्मिक स्थळांना ३० दिवसांच्या कालावधीसाठी परवानगी दिली जाण्याची शक्यता आहे.
पी. चिदंबरम यांना स्वपक्षीयांचाच विरोध; काँग्रेस समर्थकांनी दाखवले काळे झेंडे

मुंबईतील ११४० मशिदींपैकी १३५ मशिदींनी बुधवारी पहाटेची अजान लाऊड स्पीकरवर वाजवल्याचं समोर आलं होतं. मुंबई पोलिसांकडून त्या मशिदींच्या प्रमुखांवर कारवाई करण्यात येईल, अशी माहिती समोर आली होती. राज ठाकरेंनी देखील त्या मशिदींवर काय कारवाई करणार असा सवाल केला होता. राज ठाकरेंनी दिलेल्या अल्टिमेटमच्या पार्श्वभूमीवर अनेक धार्मिक स्थळांनी सकाळी सर्वोच्च न्यायालयाच्या आदेशाचं पालन करण्यास सुरुवात केली आहे.

वाद चिघळला, राणा समर्थकांनी शिवसेनेचं कार्यालय फोडलं, पेट्रोल बॉटलही दिसल्या

LEAVE A REPLY

Please enter your comment!
Please enter your name here