प्रचंड चर्चेत असलेली लोकप्रिय वेबसीरीज बेक्ड सीझन पट्टीच्या प्रेक्षकांनी पाहिली आहेच. या वेबसीरीजचा तिसरा सीझन ओटीटीवर प्रदर्शित करण्यात आला. पहिल्या दोन भागांच्या यशानंतर तिसऱ्या भागालाही प्रेक्षकांना डोक्यावर घेतलं. तिसऱ्या भागाची उत्सुकता आता संपली असून येत्या वीकेंडला पाहता येणार आहे. २०१५ साली या वेबसीरीजचा पहिला भाग प्रदर्शित झाला होता.
न्यासा देवगण लंडनमध्ये काय करतेय बघा, फोटो बघून प्रत्येक जण म्हणतोय ओ माय गॉड!
सैराट फेम नागराज मंजुळे फॅक्टरीतला बहुचर्चित सिनेमा झुंड हा देखील ओटीटीवर येत्या वीकेंडला दाखवला जाणार आहे. झुंड नही टीम कहिए असं म्हणत झोपडपट्टी फुटबॉल ही संकल्पना या सिनेमात मांडली आहे. फुटबॉक प्रशिक्षक विजय बारसे यांच्या आयुष्यातील अनुभवावर हा सिनेमा बेतला आहे. अमिताभ बच्चन यांनी बारसे यांची भूमिका केली आहे. थिएटरमध्ये प्रेक्षकांना खेचण्यात यशस्वी झालेला हा सिनेमा आता ओटीटीवर पाहता येणार आहे.
अनिल कपूरचा मुलगा हर्षवर्धन याचा अभिनय पाहण्यासाठी उत्सुक असलेल्या प्रेक्षकांची इच्छा येत्या वीकेंडला पूर्ण होणार आहे. थार हा सिनेमा ओटीटीवर प्रदर्शित होणार आहे. अनिल कपूर, हर्षवर्धन कपूर आणि फातिमा सना शेख यांच्या भूमिका या सिनेमात आहेत. हर्षवर्धन एका स्मगलरच्या भूमिकेत पहायला मिळणार आहे. ही अॅक्शन थ्रिलर फिल्म कपूर बापलेकांचीच निर्मिती आहे.
मुलं जन्माला घालण्यापेक्षा आणि कुत्रं-मांजर पाळूया असा विचार करणाऱ्या एका तरूण जोडप्याची धमाल गोष्ट पेट पुराण या वेबसीरीजमधून मांडण्यात आली आहे. पहिलाच सीझन सध्या खूपच चर्चेत आहे. ललित प्रभाकर आणि सई ताम्हणकर यांच्या केमिस्ट्रीची भट्टी जमलेला पेट पुराण हा सिनेमा या वीकेंडला ओटीटीवर झळकणार आहे. ६ मे ला रात्री ही धमाल कॉमेडी पाहता येईल. आजच्या तरूण जोडप्यांची पालक होण्याची संकल्पना या सिनेमाचा गाभा आहे.
होम शांति असं नाव असलेल्या या वेबसीरीज वन लाइन स्टोरी म्हणजे सर्वसामान्य मध्यमवर्गीय कुटुंबाची स्वत:च्या घरात रहायला जाण्याची तळमळ. बरीच वर्षे कामाच्या निमित्ताने सरकारी घरात राहिलेलं कुटुंब स्वत:च्या घरात रहायला जातं. त्यानंतर त्यांच्या आयुष्यात काय बदल होतो हे या वेबसीरीजमध्ये दाखवलं आहे. सुप्रिया पाठक आणि मनोज पाहवा अभिनीत ही वेबसीरीज ६ मे ला झळकणार आहे.
सोनाली बेंद्रेने घातला १६ वर्ष जुना ड्रेस, इतका बदलला लुक
तीन वेगवेगळ्या कथांचा कोलाज असलेली वेबसीरीज स्टोरीज ऑन द नेक्स पेज पाहण्यासाठी अनेकजण उत्सुक होते. मनाला स्पर्शून जाणाऱ्या या कथा ओटीटी प्लॅटफॉर्मवर पहायला मिळणार आहेत. अभिषेक बॅनर्जी, दितीप्रिया रॉय, नमित दास, विभा आनंद अशा कलाकारांचा अभिनय ही या वेबसीरीजची जमेची बाजू आहे. डिज्नीप्लस हॉटस्टारवर या गोष्टींची मेजवानी मिळेल.
प्रभास आणि पूजा हेगडे यांच्या चाहत्यांसाठी खुशखबर आहे की या दोघांचा राध्येशाम हा सिनेमा ओटीटीवर वीकेंडला पाहायला मिळणार आहे. थिएटरमध्ये धुमाकूळ घातल्यानंतर आता ओटीटी प्रेक्षकांसाठी धमाल होणार आहे. नेटफ्लिक्सवर हा सिनेमा पाहता येणार आहे. सचिन खेडेकर, मुरली शर्मा, जगपति बाबू यांच्याही या सिनेमात भूमिका आहेत.
