रोहित पवारांचा थेट अयोध्येतून भाजप-मनसेवर निशाणा; धार्मिक मुद्द्याचं राजकारण केल्याचा आरोपटाटा स्टीलच्या कोक प्लँटमध्ये स्फोट झाला आणि आग लागली. या घटनेत आतापर्यंत कुणाच्या मृत्यूची नोंद झालेली नाही. टाटा स्टीलच्या अधिकाऱ्यांनी आगीच्या घटनेला दुजोरा दिला आहे. आज सकाळी १०.२० वाजता कोक प्लँटच्या सहाव्या बॅटरी जवळ गॅस लाईन जवळ स्फोट झाला. बॅटरी ६ प्रकल्प सध्या बंद अवस्थेत होता.
आगीची माहिती मिळताच अग्निशमन दल आणि रुग्णवाहिका घटनास्थळी दाखल झाल्या होत्या. अग्निशमन दलानं आगीवर निंयत्रण मिळवलं आहे. कंत्राटी तत्त्वावर काम करणारे दोन कर्मचारी आगीत जखमी झाले आहेत. जखमी झालेल्या कर्मचाऱ्यांना उपचारासाठी रुग्णालयात पाठवण्यात आलं आहे. आणखी एका कर्मचाऱ्याला छातीत दुखू लागल्यामुळं रुग्णालयात दाखल करण्यात आलं आहे.
टाटा स्टील कंपनीनं जारी केलेल्या प्रसिद्धीपत्रकानुसार आगीच्या कारणाचा शोध घेतला जात आहे. टाटा स्टील कंपनीच्या जमशेदपूरमधील यूनिटमध्ये गेल्या वर्षी १८ जानेवारी २०२१ ला छोटा स्फोट झाल्यानं आग लागली होती. त्यामध्ये दोन कर्मचारी जखमी झाले होते. तब्बल नऊ वर्षांपूर्वी म्हणजेच २०१३ मध्ये टाटा स्टीलमध्ये छोटा स्फोट झाला होता, त्यामध्ये ११ कर्मचारी जखमी झाले होते. 
सरकारच्या वर्षपूर्तीचा दिवस, मुख्यमंत्र्यांचा बसमधून प्रवास, जनतेला ५ मोठ्या योजनांची भेट
दरम्यान, महाराष्ट्रातील नवी मुंबईत रबर कंपनीला लागलेली आग, मध्यप्रदेशमधील इंदोरमध्ये लागलेल्या आगीत ७ जणांचा मृत्यू झाला तर आठ जण गंभीर जखमी झाले आहेत. आता जमशेदपूरमधील टाटा स्टील कंपनीत लागलेली आगीची घटना पाहता देशभरात आगीच्या घटना वाढत असल्याचं दिसून येतं
