सातारा : किसनवीर कारखाना निवडणुकीत (Kisan Veer Sakhar karkhana Election) दणदणीत विजय मिळविल्यानंतर वाईचे राष्ट्रवादीचे आमदार मकरंद आबा पाटील (Makrand Patil) यांनी राज्यसभा खासदार उदयनराजे भोसले (UdayanRaje Bhosale) यांची भेट घेतली. यावेळी उदयनराजेंनी मकरंद आबांचं ‘तहे दिल से’ स्वागत केलं. ३ कारखाने, १ जिल्हा बँक आणि आमदारकी असलेले सातारा जिल्ह्याचे बॉस आले, अशा शब्दात उदराजेंनी मकरंद आबांचं वेलकम केलं. उदयनराजेंचे स्वागताचे शब्द ऐकून मकरंद आबांच्या चेहऱ्यावर कमालीचं हास्य खुललं.

‘सातारा जिल्ह्याचे बॉस आले’

किसनवीर कारखाना निवडणूक निकालाच्या अभूतपूर्व सत्तांतरानंतर मकरंद आबांनी उदयनराजेंची त्यांच्या जलमंदिर निवासस्थानी भेट घेतली. जलमंदिर येथे मकरंद आबांना पाहताच उदयनराजेंनी त्यांच्या खास स्टाईलमध्ये ‘जिल्ह्याचे बॉस आले’ म्हणून मकरंद आबांच्या पाठीवर कौतुकाची थाप मारली. उदयनराजेंच्या स्वागताने भारावलेल्या आबांनी ‘आम्ही कशाचे बॉस’ म्हणत थट्टामस्करी करायला सुरुवात केली. पण त्यावरही उदयनराजेंकडे उत्तर तयार होतं. ‘३ कारखाने, १ जिल्हा बँक आणि आमदारकी, मग आता बॉसच की…’, असं उदयनराजे म्हणताच उपस्थितांमध्ये एकच हशा पिकला. उदयनराजेंचं टायमिंग पाहून मकरंद आबांच्या चेहऱ्यावरही कमालीचं हास्य खुललं.
कुठलाही मतदारसंघ निवडा, मी तुमच्या विरोधात उभी राहणार, नवनीत राणांचं उद्धव ठाकरेंना आव्हानमहार
उदयनराजेंच्या मिश्किल स्वभावाने उपस्थितांमध्ये हास्याचे कारंजे

निवडणूक निकालानंतर जलमंदिर पॅलेसमध्ये जाऊन मकरंद आबांनी उदयनराजेंचा सत्कार केला. शाल, पुष्पगुच्छ देऊन आबांनी उदयनराजेंचं स्वागत केलं. सत्कारावेळीही उदयनराजेंनी खट्याळपणा दाखवला. आबांनी आपल्या गळ्यात घातलेली शाल त्यांनी पुन्हा आबांच्याच गळ्यात घातली. तसेच त्यांनी दिलेला पुष्पगुच्छ पुन्हा त्यांच्याच हाती सोपवला. उदयनराजेंच्या मिश्किल कृतीने उपस्थितांमध्ये हास्याचे कारंजे उडाले.

उदयनराजेंची आबांना जादू की झप्पी, साताऱ्यात राजकीय चर्चांना उधाण

सत्काराचा कार्यक्रम पार पडल्यावर उदयनराजेंनी मकरंद पाटलांना पेढा भरवत विजयाच्या शुभेच्छा दिल्या. दोघांमध्ये सुमारे २० मिनिटे चर्चा झाली. मकरंद आबा पाटील हे प्रथमच जलमंदीरला गेले होते. त्यामुळे आबांच्या टायमिंगची संपूर्ण सातारा जिल्ह्यात चर्चा होत होती. एकंदरित उदयन महाराज आणि आबांच्या जादू की झप्पीने साताऱ्यात राजकीय चर्चांना उधाण आलं.
राणा दाम्पत्याला गुन्हेगारांपेक्षा वाईट वागणूक, सरकारने क्रौर्याच्या सर्व मर्यादा ओलांडल्या- फडणवीस
उदयनराजे-मकरंद आबांची सेटिंग?, दबक्या आवाजात अशाही चर्चा

किसनवीर सहकारी साखर कारखान्याच्या निवडणुकीत मकरंद पाटील यांना खासदार उदयनराजे भोसले यांच्या अनेक कार्यकर्त्यांनी मोठी मदत केल्याचे बोलले जात आहे. यामुळेच मकरंद पाटील हे अचानक जलमंदीर या ठिकाणी पोहोचले आणि त्यांनी उदयनराजे यांचे आभार मानले आहेत, अशी चर्चा दबक्या आवाजात ऐकायला मिळत आहे. या‌ भेटीदरम्यान नक्की काय चर्चा झाली याबाबत मात्र गूढ कायम‌ आहे.

LEAVE A REPLY

Please enter your comment!
Please enter your name here