पडत्या बाजारात लक्ष्मीची पावले! ‘कॅम्पस अॅक्टिव्हवेअर’ने पहिल्याच दिवशी केलं मालामाल
आज बँका, वित्त संस्था, फार्मा, आॅटो, रियल्टी, टेलिकाॅम या क्षेत्रात विक्रीचा मारा सुरु आहे. सेन्सेक्स मंचावरील पाॅवरग्रीड आणि टायटन हे दोन शेअर तेजीत आहेत. भारती एअरटेल, एशियन पेंट, एनटीपीसी, अल्ट्राटेक सिमेंट, एसबीआय, कोटक बँक, आयटीसी, डाॅ. रेड्डी लॅब, एचडीएफसी, आयसीआयसीआय बँक, विप्रो, अॅक्सिस बँक, रिलायन्स या शेअरमध्ये घसरण झाली आहे.
sensex 9th may 2022 : सेन्सेक्समध्ये मोठी घसरण झाली.
इंधन दर; सीएनजी-एलपीजीचे दर वाढलेत, जाणून घ्या पेट्रोल-डिझेलचा आजचा भाव
सध्या सेन्सेक्स ३४६ अंकांच्या घसरणीनंतर ५४,४८९ अंकावर आहे. निफ्टी १०७ अंकांनी घसरला असून तो १६,३०३ अंकांवर ट्रेड करत आहे. आजच्या सत्रात टाटा पाॅवरच्या शेअरमध्ये ८ टक्के घसरण झाली आहे. त्याशिवाय हेवीवेट स्टाॅक असलेल्या रिलायन्स इंडस्ट्रीजमध्ये देखील ३ टक्के घसरण झाली आहे.निफ्टीवर मात्र अदानी पाॅवर, डीसीबी बँक, पाॅवरग्रीड, सीएसबी बँक, वर्धमान टेक्सटाईल, एनएसपीसी, जीई पाॅवर हे शेअर तेजीत आहेत.
मल्टीबॅगर; कॉम्प्रेसर बनवणाऱ्या या कंपनीनं दोन वर्षात दिला ४०० टक्के रिटर्न
फेडरल रिझर्व्ह, रिझर्व्ह बँक आणि बँक, बॅंक आॅफ इंग्लंड, आॅस्ट्रेलियाची केंद्रीय बँक यांनी कठोर पतधोरणाचा मार्ग पत्कारला आहे. महागाईबाबत धोक्याचा इशारा देताना आर्थिक विकासाबाबत चिंता व्यक्त केली आहे. रशिया युक्रेन युद्धावर अद्याप तोडगा निघालेला नाही. त्याचबरोबर चीनमधील करोना पुन्हा वाढत आहेत. या घडामोडी गुंतवणूकदारांच्या मनात धास्ती निर्माण करण्यास पुरेशा ठरल्या असल्याचे जिओजित फायनान्शिअल सर्व्हिसेसचे शेअर बाजार विश्लेषक डाॅ. व्ही. के विजयकुमार यांनी सांगितले. ते म्हणाले की केंद्रीय बँकांच्या व्याजदर वाढीनंतर जगभरातील भांडवली बाजारात अनिश्चितता निर्माण झाली आहे.
याआधीच शुक्रवारी ६ मे २०२२ रोजी सेन्सेक्स ८६६ अंकांनी घसरला असून तो ५४,८३५ अंकांवर स्थिरावला होता. राष्ट्रीय शेअर बाजाराचा निफ्टी २७१ अंकांच्या घसरणीसह १६,४११ अंकावर बंद झाला होता. त्याआधी गुरुवारी दिवसभर बाजारात उलथापालथ दिसून आली होती.
अशाप्रकारच्या २० हून अधिक क्षेत्रातली सखोल अभ्यासपूर्ण माहितीसह एक्सक्लुझिव्ह इकाॅनाॅमिक टाईम्स स्टोरीज.
