जिजाऊ नगरात आशा विशाल इंगळे ह्या पती विशाल, सासू सासरे आणि दीर यांच्यासह राहत होत्या. पती विशाल मिळेल ते काम करून आपला उदरनिर्वाह करतात. विशाल आणि दोन भाऊ सोबत एकत्रच राहतात. शनिवारी म्हणजे ७ मे रोजी सकाळी ९ वाजता घरात किरकोळ कारणावरून वाद झाला. या संतापाच्या भरात आशा इंगळे यांनी घराच्या वरच्या मजल्यावर जावून दोरीने गळफास घेवून आत्महत्या केली. हा प्रकार त्यांच्या घरातील सदस्य मनिषा यांच्या लक्षात येताच त्यांनी आरडाओरड केली.
मोठी बातमी: राणा दाम्पत्याला सत्र न्यायालयाची नोटीस, जामीन रद्द होणार?
त्यानंतर शेजारी राहणाऱ्या नागरिकांनी धाव घेवून आशाबाई यांना खाली उतरवून खासगी रूग्णालयात उपचारार्थ दाखल केले. रात्री १० वाजेच्या सुमारास त्यांचा उपचारादरम्यान मृत्यू झाला. अशी माहिती मयत विवाहितेचे दीर सचिन इंगळे यांनी दिली. याबाबत तालुका पोलीस ठाण्यात अकस्मात मृत्यूची नोंद करण्यात आली आहे. मयत विवाहितेच्या पश्चात ३ वर्षांचा ओम नावाचा मुलगा असून सासू, सासरे, दीर, दिरानी असा परिवार आहे. दरम्यान, रविवारी जिल्हा शासकीय रूग्णालयात शवविच्छेदन करून मृतदेह नातेवाईकांच्या ताब्यात देण्यात आला आहे. याप्रकरणी जळगाव तालुका पोलिसात अकस्मात मृत्यूची नोंद करण्यात आली आहे.
दोन तास हाय व्होल्टेज ड्रामा, कारवाईविना बुलडोझर परतले,शाहीनबागेत नेमकं काय घडलं?
