वसंत मोरे यांनी पुण्यात आल्यानंतर त्यांनी महाआरतीचा भव्य कार्यक्रम ठेवला. मुस्लिम बांधवांच्या हस्ते कात्रजमध्ये हनुमानाच्या महाआरतीचं आयोजन करुन राज्याचे लक्ष त्यांनी आपल्याकडे वेधले. एवढ्यावरच ते थांबले नाहीत. त्यांनी महाआरती आटोपल्यानंतर मुस्लिम मित्रांच्या, पदाधिकाऱ्यांच्या घरी जाऊन ईदच्या मेजवानीचा आनंद घेतला. मित्रांबरोबर ईद सेलिब्रेट केलेले फोटोही त्यांनी सोशल मीडियावर पोस्ट केले. वसंत मोरे यांच्या याच फोटोंची चर्चा झाली नसती तरच नवल…..!
हायलाइट्स:
- आधी महाआरती केली, नंतर मुस्लीम कार्यकर्त्याच्या घरी जेवण
- वसंत मोरे यांची तिरुपतीवारी, महाआरती आणि ईद सेलिब्रेशन
- मनसे नेते वसंत मोरे यांच्या फेसबुक पोस्टची सगळीकडे चर्चा
‘तू पुण्यात मिसळ महोत्सव घे, मी येतो’, राज ठाकरेंचा वसंत मोरेंना शब्दमहाआरतीनंतर वसंत मोरे यांचं मुस्लीम कार्यकर्त्याच्या घरी जेवण
वसंत मोरे यांनी शनिवारी कात्रजमध्ये हनुमान मंदिरात महाआरती आयोजित केली होती. राज ठाकरे पुण्यात असल्याने या महाआरतीला येण्याची दाट शक्यता होती, तसं निमंत्रणही वसंत मोरे यांनी राज ठाकरेंना धाडलं होतं. पण पूर्वनियोजित कामामुळे राज ठाकरेंना महाआरतीला जाता आलं नाही. तत्पूर्वी, वसंत मोरे यांनी महाआरती आटोपल्यानंतर महाराष्ट्र नवनिर्माण वाहतूक सेनेचे पुणे शहर सरचिटणीस आवेज भाई शेख यांच्या घरी जेवण केलं. वसंत मोरे यांच्यासोबत यावेळी मनसे पदाधिकारी सुनील अंधारे, शाखाध्यक्ष अमित अण्णा जगताप, शाखाध्यक्ष मंगेश रासकर होते.
वसंत मोरेंची राज ठाकरेंची भेट घेतली
महाआरतीच्या दुसऱ्या दिवशी सकाळीच वसंत मोरे यांनी ‘राजमहल’ या राज ठाकरे यांच्या पुण्यातील निवासस्थानी त्यांची भेट घेतली. जवळपास अर्धा तासाच्या भेटीत दोघांमध्ये विविध विषयांवर चर्चा झाली. कालच्या महाआरतीला पुण्यातील विविध नेत्यांना निमंत्रण देऊनही काही जणांनी दांडी मारली. त्यांच्याबद्दल बोलताना ‘अतृप्त आत्मे’ म्हणत वसंत मोरे यांनी नाराजी दर्शवली अन् त्यांच्यावर निशाणाही साधला. याचविषयीची सविस्तर माहिती वसंत मोरे यांनी राज ठाकरेंच्याही कानावर घातली.
राज ठाकरेंच्या दौऱ्यापूर्वी पुण्यात वसंत मोरेंची महाआरती; पोलिसांचाही ग्रीन सिग्नल‘वसंत तू मिसळ महोत्सव घे, मी येतो’
राज ठाकरेंना भेटून बाहेर आल्यावर वसंत मोरे यांनी प्रसारमाध्यमांशी संवाद साधला. “कालपर्यंत घडलेल्या सर्व घडामोडींबाबत माझी राजसाहेबांशी चर्चा झाली. काल कात्रजमध्ये झालेल्या महाआरतीचं राजसाहेबांनी कौतुक केलं. त्यांना महाआरतीला काल येता आलं नाही. पण वसंत तू मिसळ महोत्सव घे, मी येतो, असं त्यांनी मला सांगितलं. साहेबांना आणखी एका कार्यक्रमाबद्दल सांगितलं आहे. त्या कार्यक्रमाची तारीख लवकरच जाहीर करु”, असंही मोरे यांनी यावेळी सांगितलं.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
या बातम्यांबद्दल अधिक वाचा
Web Title : mns vasant more attend feast of eid after katraj maha aarti
Marathi News from Maharashtra Times, TIL Network
Marathi News from Maharashtra Times, TIL Network
