नवी दिल्ली :काँग्रेस अध्यक्षा सोनिया गांधी (Sonia Gandhi) यांच्या उपस्थितीमध्ये पक्षाच्या कार्यकारी समितीची बैठक झाली. काँग्रेसची (Congress) कामगिरी कशा प्रकारे सुधारता येईल, यासाठी विचारमंथन करण्यात येत आहे. सोनिया गांधी यांनी पक्षाच्या सीडब्ल्यूसीच्या बैठकीत पक्षाच्या वाटचाली संदर्भात भाष्य केलं. उदयपूर येथे होणाऱ्या पक्षाच्या बैठकीपूर्वी सीडब्ल्यूसीचं आयोजन करण्यात आलं होतं. शिस्त आणि प्रयत्नांतील सातत्य यातून आपली कटिबद्धता आणि सहनशीलता दिसून येईल, असं सोनिया गांधी म्हणाल्या. काँग्रेसच्या उदयपूर येथील शिबीरात ४०० दस्य सहभागी होणार आहेत. त्यामधील अनेकांनी पक्षाच्या संघटनेत महत्त्वाच्या पदावर आणि केंद्र सरकारमध्ये महत्त्वाच्या पदावर काम केलेलं आहे. आता आपल्या सर्वांना काँग्रेसच्या पक्षाच्या उपकारांची परतफेड करण्याची वेळ आली आहे, असं सोनिया गांधी म्हणाल्या.

ई-जनगणना, १०० टक्के अचूकता; अमित शाहांनी आसाममध्ये सांगितला पुढचा प्लान
काँग्रेसला आत्म परिक्षणाची गरज नक्की आहे. मात्र, आत्मपरिक्षण असंही करण्यात येऊ नये की आत्मविश्वासावर नकारात्मक परिणाम होईल, असं सोनिया गांधी यांनी म्हटलं आहे. सोनिया गांधी यांनी पक्षात संतुलन निश्चित करण्यासाठी शक्य असेल तितका प्रयत्न करणार असल्याचा दावा केला आहे. चिंतन शिबीरात सहा गटांमध्ये चर्चा केली जाईल. राजकीय आणि संघटनात्मक मुद्यांसह आर्थिक, सामाजिक न्याय, शेतकरी, युवकांच्या विषयांवर चर्चा केली जाणार आहे. चिंतन शिबीरातील विचार मंथनातून निघालेल्या निष्कर्षांना 15 मे रोजी सीडब्लूसीमध्ये मंजुरी देण्यात येईल, असं म्हटलं आहे.

सोनिया गांधी यांनी पक्षाकडून निवडणुकीची उमेदवारी त्या भागात काम करत असलेल्या नेत्याला दिली जाईल, असं म्हटलं. आम्ही सर्वांचं मत जाणून घेण्यास तयार आहोत, मात्र, माध्यमांद्वारे नाही, असं देखील त्या म्हणाल्या. आपल्या तक्रारी पार्टीमध्ये असलेल्या यंत्रणेद्वारे ऐकल्या जातील. जर, एखाद्या नेत्यानं विचार न करता व्यक्तव्य केलं आणि पक्षाला नुकसान झालं तर त्याला माफ केलं जाणार नाही, असं सोनिया गांधी यांनी म्हटलं.
गलवानचे शहीद दीपक सिंह यांची स्वप्नपूर्ती, शिक्षकाची नोकरी सोडत पत्नी रेखा सिंह बनल्या लेफ्टनंट
काँग्रेस प्रवक्ते रणदीपसिंह सुरजेवाला यांनी डिजीटल सदस्यता नोंदणीसाठी पक्षाच्या संविधानासाठी बदल करण्यात आल्याचं म्हटलं. या बैठकीला राहुल गांधी उपस्थित होते.

LEAVE A REPLY

Please enter your comment!
Please enter your name here