योगींची मुंबईत धडक; उत्तर प्रदेशातील लोकांसाठी सुरू करणार सरकारी कार्यालयब्रिजभूषण सिंग हे भाजपचे खासदार आहेत. एकदा दोनदा नव्हे, तर ते तब्बल सहा वेळा खासदार म्हणून निवडून आलेत. महाराष्ट्रात पवारांची बारामती जसं म्हटलं जातं, तसंच उत्तर प्रदेशात ब्रिजभूषण यांचा गोंडा म्हटलं जातं. हाच त्यांचा पूर्वीचा मतदारसंघ आहे. महाराष्ट्रात भाजप आणि मनसेची जवळीक वाढत असतानाच भाजपच्या खासदारानं राज ठाकरेंशी वैर घेतलं. ही पक्षासाठी अडचणीची बाब असली तर ब्रिजभूषण यांना त्याचा फरक पडत नाही. कारण, त्यांचा एक वेगळाच स्वॅग असतो आणि ते मनाला पटेल तेच करतात.
‘राज ठाकरे हिंदू नेता नहीं खलनायक है, कोई दबंग नेता नहीं, चुहा है चुहा’; भाजप खासदार आक्रमकमातीतला पैलवान अशी आवड असलेल्या ब्रिजभूषण यांनी बालपणी अयोध्या आणि परिसरातले आखाडे गाजवले. कुस्तीचा छंद त्यांनी कायम ठेवला. राजकारणात आल्यानंतरही ते पुढे १० वर्ष भारतीय कुस्ती संघटनेचे अध्यक्ष राहिले. कट्टर हिंदू असलेले बृजभूषण यांनी २००९ ला पक्षाला चक्रावून सोडणारा निर्णय घेतला होता. त्यांनी थेट भाजपला रामराम ठोकला आणि ते समाजवादी पक्षाच्या तिकिटावर निवडून आले.. पण तिथे त्यांचं जास्त काळ मन रमलं नाही. ते पुन्हा भाजपात परतले… उत्तर प्रदेशातल्या गोंडा, बलरामपूर या मतदारसंघांचं त्यांनी प्रतिनिधित्व केलं.. गोंडा हा तर त्यांचा बालेकिल्लाच.. सध्या ते केसरगंज या मतदारसंघाचे खासदार आहेत. त्यांचा मुलगा सुद्धा गोंडा सदर या मतदारसंघातून सलग दोन वेळा आमदार म्हणून निवडून आलाय.
ब्रिजभूषण यांचं उत्तर प्रदेशातल्या कुस्तीवर एवढं प्रभुत्व आहे की त्यांचा शब्द हा अंतिम मानला जातो.. हाच दबदबा त्यांनी गेल्या कित्येक दशकांपासून कायम ठेवलाय.. राज ठाकरेंविरोधात जाहीर केलेली भूमिका त्यांची वैयक्तिक आहे. पक्षाचा राज ठाकरेंना विरोध नाही.. पण मनसेने केलेलं उत्तर भारतीयांविरोधातील आंदोलन ब्रिजभूषण अजूनही विसरलेले नाहीत. उत्तर भारतीयांचा महाराष्ट्रात झालेला अपमान ही त्यांच्यासाठी भळभळती जखम बनलीय आणि यामुळेच त्यांनी राज ठाकरेंना आव्हान दिलंय.
ब्रिजभूषण हे कट्टर हिंदुत्ववादी नेते आहेत.. २०१९ च्या निवढणूक शपथपत्रात त्यांनी दिलेल्या माहितीनुसार बाबरी मशीद पाडल्याच्या खटल्यातही त्यांचं नाव आहे. इकडे महाराष्ट्रात राज ठाकरेंनीही कट्टर हिंदुत्वाचं अस्त्र बाहेर काढलंय.. त्याचाच एक भाग म्हणून प्रभू श्रीरामाचं दर्शन राज ठाकरे अयोध्येत जाऊन घेणार आहेत. पण दोन हिंदू नेतेच एकमेकांसमोर उभे ठाकलेत.. त्याला जुन्या वादाची किनार कारणीभूत ठरलीय.
‘आम्हालाच मारणार, आमच्याच अयोध्येत येणार’ असं म्हणत भाजप खासदाराचं जोरदार शक्तीप्रदर्शन
