बॉलिवूडला का परवडू शकत नाही महेश बाबू? किती आहे त्याचं मानधन
हिंदी मीडियम या सुपरहिट सिनेमात सबा अभिनेता इरफान खानसोबत दिसली होती. सबा ही मूळची पाकिस्तानी आहे. लाहोरमधील प्रसिध्द असलेल्या ऐतिहासिक मशिदीमध्ये एका गाण्याचं शूटिंग करण्यात आलं होतं. त्या गाण्यात सबाने नृत्य केलं आहे. तिच्यासोबत पाकिस्तानी गायक बिलाल सईद हादेखील होता. मशिदीमध्ये गाण्यावर नृत्य केल्यामुळे मशीद अपवित्र करण्यास कारणीभूत ठरल्याचा आरोप पोलिसांकडून सबा आणि बिलाल सईद यांच्यावर करण्यात आला होता. या घटनेमुळे पाकिस्तानामध्ये असंतोष पसरला होता. ही घटना २०२० या वर्षीची आहे.
लाहोरमधील कोर्टात ही केस करण्यात आली होती. यावेळी सबा आणि बिलाल यांनी माफीनामा सादर केला होता. या केसच्या सुनावणीत कोर्टासमोर आलेल्या काही गोष्टींमुळे सबा आणि बिलाल यांच्यावर हा आरोप सिध्द होऊ शकला नाही. या गाण्याचं शूटिंग करण्यासाठी सबा आणि बिलाल यांनी पंजाब सरकारच्या धार्मिक परवानगी कार्यालयातून पूर्वपरवानगी घेतल्याचं स्पष्ट झालं. त्यांनी जाणीवपूर्वक ही गोष्ट केली नसल्याचंही समोर आलं. त्यामुळे सबा आणि बिलाल यांना सर्व आरोपातून मुक्त केल्याचा निकाल जाहीर केला.
Met Gala 2022 मध्ये दिसला महाराजा भूपिंदर सिंह यांचा चोरी झालेला हिरा, काय आहे प्रकरण?
या प्रकरणाचा तपास करणाऱ्या दोन अधिकाऱ्यांनाही कोर्टाने पुराव्याशिवाय आरोप केल्याच्या कारणाने फटकारलं आहे. दरम्यान, सबा आणि बिलाल यांनी गाण्याचं शूटिंग करत असताना मशिदीमध्ये लाउडस्पीकर लावला नव्हता अशी माहिती पोलिसांनी दिली. यापूर्वी सबा अशाच एका वादात अडकली होती. पाकिस्तानी मॉडेल कंदील बलोचच्या बायोपिकमध्ये सबाने काम केलं होतं. तेव्हा तिच्याभोवती वादाचं मोहोळ उठलं होतं. इस्लामविरोधी काम आणि अश्लीलतेचा प्रसार केल्याबद्दल कंदील बलोचला जीवे मारण्याची धमकी देण्यात आली होती. त्यानंतर २०१६ मध्ये कंदीलच्या भावानेच त्याची हत्या केली.
