सुख म्हणजे नक्की काय असतं असं मालिकेत म्हणणाऱ्या अभिनेत्री मीनाक्षी राठोड हिने खऱ्या आयुष्यात तिच्या चाहत्यांना गोड बातमी दिली आहे. तशी या गोड बातमीची चाहते वाट पाहतच होते. कारण तिने तिच्या बेबी बम्पसोबत खूप सारे काढलेले फोटो सोशल मीडियावर शेअर केले होते. गेल्या महिन्यात मीनाक्षीने तिच्या डोहाळे जेवणाचे फोटो शेअर करत ती आई होणार असल्याची बातमी दिली होती. तसेच प्रेग्नन्सीतील फोटोग्राफीचा आनंदही मीनाक्षी आणि कैलास यांनी घेतला होता. मीनाक्षीचा प्रेग्नन्सी लुक व्हायरल झाला होता.
अंगद बेदीशी लग्नानंतर नेहा धूपियाला मिळालेला शिव्यांचा आहेर, चार वर्षांनी सांगितलं खरं कारण
त्यानंतर मीनाक्षी आणि कैलास यांनी नवी कार खरेदी केल्याचे फोटोही पोस्ट केले होते. दोनाचे चार झालो अशी हटके कॅप्शन खूप व्हायरल झाली होती. दरम्यान मीनाक्षी अगदी नवव्या महिन्यापर्यंत सुख म्हणजे नक्की काय असतं या मालिकेत काम करत होती. त्यासाठी तिला मालिकेच्या टीमने सहकार्य केल्याचंही तिने सांगितलं होतं. गेल्या दोन आठवडयापूर्वी तिने मालिकेतून ब्रेक घेतला आणि तिच्या जागी देवकी म्हणून भक्ती रत्नपारखी दिसत आहे.
लोकप्रिय असलेल्या सुख म्हणजे नक्की काय असतं या मालिकेत मीनाक्षी देवकी ही भूमिका साकारत आहे. काहीशी वेंधळी, मनात काही नाही पण कुणाच्या तरी सांगण्यावरून वाईट वागणारी देवकी प्रेक्षकांना आपलंसं करण्यात यशस्वी झाली आहे. तिच्या बोलण्याचा लहेजा प्रेक्षकांना आवडत असल्याच्या प्रतिक्रिया नेहमी येत असतात. सोशल मीडियावरही मीनाक्षी खूप अॅक्टिव्ह असते. तिचा पती कैलास वाघमारे हा अभिनेता असून त्यानेही अनेक नाटक, मालिका, सिनेमा यामध्ये काम केलं आहे.
Photo- प्राजक्ता माळीकडून फेसबुक पोस्टमध्ये झाली गंभीर चूक
मूळची जालन्याची असलेल्या मीनाक्षीला शालेय वयापासूनच अभिनयाची आवड आहे. शिवाजी अंडरग्राउंड इन भीमनगर मोहल्ला या नाटकात तिने काम केलं आहे. या नाटकाने तिला प्रसिध्दी दिली. खिसा या तिच्या लघुपटाला राष्ट्रीय पुरस्कार मिळाला आहे. मीनाक्षीने यापूर्वी बाळूमामाच्या नावानं चांगभलं या मालिकेत काम केलं आहे. सुख म्हणजे नक्की काय असतं या मालिकेतील खट्याळ खलनायिका तिने उत्तम साकारली आहे. सध्या तरी मालिकेतून ब्रेक घेत मीनाक्षी आईपणाचा अनुभव घेत असून घरी आलेल्या नव्या पाहुणीसोबत तिचं सुख म्हणजे हेच असतं असं सांगत आहे.
