लढवय्या शिवसैनिकाचे जाणे धक्कादायक; आमदाराच्या निधनानंतर मुख्यमंत्री गहिवरले – chief minister uddhav thackerays emotional reaction on shiv sena mla ramesh latke death

मुंबई : अंधेरी पूर्व मतदारसंघातील शिवसेना आमदार रमेश लटके यांचं बुधवारी रात्री दुबई येथे हृदयविकाराच्या झटक्याने निधन (shiv sena mla ramesh latke death) झालं आहे. आमदार लटके यांच्या निधनाने राज्यभर हळहळ व्यक्त केली जात असताना मुख्यमंत्री उद्धव ठाकरे (Cm Uddhav Thackeray News) यांनीही लटके यांना श्रद्धांजली वाहिली आहे. ‘आमदार रमेश लटके यांचे अकाली निधन चटका लावणारे आहे. त्यांच्या निधनामुळे एक लढवय्या शिवसैनिक, प्रांजळ, अभ्यासू लोकप्रतिनिधी आपल्यातून निघून गेला आहे,’ अशा शब्दांत मुख्यमंत्री उद्धव ठाकरे यांनी आमदार रमेश लटके यांना श्रद्धांजली वाहिली आहे.

‘आमदार रमेश लटके लढवय्या शिवसैनिक होते. मुंबई महापालिकेचे नगरसेवक म्हणूनही त्यांनी आपल्या कामाने लोकांची मने जिंकली होती. त्याच जोरावर ते आता सलग दोनदा अंधेरी पूर्व मतदारसंघाचे आमदार म्हणून विधानसभेत प्रतिनिधित्व करत आहेत. चांगला संपर्क असणारा, विकास कामांचा ध्यास घेतलेला, प्रांजळ, अभ्यासू लोकप्रतिनिधी अशी त्यांची ओळख होती. त्यांचे अकाली निधन हा त्यांच्या कुटुंबियांवर आघात आहे. लटके कुटुंबियांना हा आघात सहन करण्याची ताकद मिळावी अशी ईश्वर चरणी प्रार्थना. आमदार रमेश लटके यांना भावपूर्ण श्रद्धांजली,’ असं उद्धव ठाकरे यांनी शोकसंदेशात म्हटलं आहे.

संभाजीराजेंकडून स्वराज्य संघटनेची स्थापना; राज्यसभेची निवडणूक अपक्ष लढवणार

रमेश लटके यांची राजकीय कारकीर्द

रमेश लटके हे १९९७ साली मुंबई महानगरपालिकेत शिवसेनेचे नगरसेवक म्हणून निवडून गेले. त्यानंतर सन २००२ आणि २००९ च्या महापालिका निवडणुकीत विजयी होत ते महापालिकेत नगरसेवक म्हणून गेले. तसंच २०१४ च्या विधानसभा निवडणुकीत अंधेरी पूर्व या मतदारसंघातून विरोधी उमेदवारांना आस्मान दाखवत ते आमदार म्हणून निवडून गेले. २०१९ च्या विधानसभेच्या निवडणुकीतही अंधेरी पूर्वच्या मतदारांनी सलग दुसऱ्यांदा त्यांच्यावर विश्वास दाखवत त्यांना पुन्हा विधानसभेत पाठवले.