गडचिरोली : शासनाने जाहीर केलेली ‘आत्मसमर्पण योजना’ वर्षभरात विविध चकमकीत माओवांद्याचा झालेला खात्मा तसेच हिंसाचाराच्या जीवनाला कंटाळून वरिष्ठ माओवाद्यांसह अनेक जहाल माओवाद्यांनी आजपर्यंत आत्मसमर्पण केलेले आहे. त्याचबरोबर आत्मसमर्पित माओवाद्यांचे पोलीस दलाने पुनर्वसन घडवून आणल्यामुळे माओवादी मोठ्या संख्येने आत्मसमर्पण करीत आहेत. नुकतेच १२ लाख रुपये बक्षीस असलेले नक्षलवादी कोलु उर्फ सुकांत विनोद पदा वय 27 वर्ष रा. वक्कुर, पोस्टे कोयलीबेडा, ता. आरेच्छा जि. नारायणपूर (छ.ग.) व राजे ऊर्फ डेबो जैराम उसेंडी वय 30 वर्ष रा. जवेली (बु.) ता. एटापल्ली जि. गडचिरोली या दोन जहाल नक्षलवाद्यांनी पोलीस अधीक्षक अंकित गोयल सा. यांच्यासमोर आत्मसमर्पण केले.

गडचिरोली पोलीस दलाने अतिशय प्रभावीपणे नक्षलविरोधी अभियान राबविल्यामुळे सन २०१९ ते २०२२ सालामध्ये आतापर्यंत एकूण ४७ जहाल माओवाद्यांनी आत्मसमर्पण केले असून सन २०२२ या चालू वर्षात एकूण २ जहाल नक्षलवाद्यांनी आत्मसमर्पण केले आहे. विकासकामांना आडकाठी निर्माण करणाऱ्या नक्षलवाद्यांवर पोलीस दल सक्षमपणे कारवाई करण्यास तत्पर आहे. जे माओवादी विकासाच्या प्रवाहात सामील होण्यास इच्छुक असतील त्यांना विकासाच्या मुख्य प्रवाहात आणण्यासाठी तसेच लोकशाहीतील सन्मानाचे जीवन जगण्यासाठी गडचिरोली पोलीस दल सर्वतोपरी मदत करेल. तसेच त्यांनी हिंसेचा त्याग करुन शांततेचा मार्ग स्विकारावा, असे आवाहन पोलीस अधीक्षक गडचिरोली अंकित गोयल यांनी केले आहे.

ओवेसींची औरंगजेबाच्या कबरीला भेट, शिवसेना भडकली, चंद्रकांत खैरेंचा थेट वारिस पठाणांना फोन
आत्मसमर्पीत सदस्याबाबत माहीती –

१. कोलु ऊर्फ विकास ऊर्फ सुकांत विनोद पदा

दलमधील कार्यकाळ –

कोलु पदा हा सप्टेंबर 2010 रोजी प्रतापपूर दलम सदस्य पदावर भरती झाला होता.
नोव्हेंबर २०११ ते सन २०१७ पर्यंत तो सीसीएम सुधाकर याचे सुरक्षा गार्ड म्हणुन कार्यरत होता.
त्यानंतर जुलै २०१७ ते डिसेंबर २०२१ पर्यंत कंपनी क्र. १० मध्ये तो सेक्शन कमांडर पदावर कार्यरत होता.

कार्यकाळात केलेले गुन्हे –

कोलु पदा याचेवर ३ खून, ७ चकमक, १ दरोडा असे एकुण ११ गुन्हे दाखल आहेत. नक्षलमध्ये कार्यरत असतांना त्याने विविध ठिकाणी ३ अॅम्बुश लावले होते.
त्याने लावलेल्या अॅम्बुशमध्ये छत्तीसगडमधील मौजा अवालवरसे (छ.ग.) महाराष्ट्रामधील मौजा झारेवाडा, पोयारकोठी आणि ओडीसामधील मौजा गुंडापूरी, कंजेनझरी, चुरामेट्टा या चकमकीमध्ये त्याचा सहभाग होता. त्याने लावलेल्या अॅम्बुशमध्ये २०२० मध्ये गडचिरोली जिल्ह्यातील पोमके कोठी हद्दीतील मौजा पोयारकोठी जंगल परिसरात १ पोलीस अधिकारी आणि १ पोलीस जवान शहीद झाले होते.

CSK vs MI Live Score, IPL 2022 : मुंबई आणि चेन्नईच्या सामन्याचे लाइव्ह अपडेट्स
२. राजे ऊर्फ डेबो जैराम उसेंडी

दलममधील कार्यकाळ –

फेब्रुवारी २०११ मध्ये कसनसूर दलम सदस्य पदावर भरती झाली होती. सप्टेंबर २०१२ ते डिसेंबर २०२१ पर्यंत कंपनी क्र. १० मध्ये सदस्य पदावर कार्यरत होती.
गडचिरोली जिल्ह्रातील पोमके कोठी हद्दीतील मौजा पोयारकोठी जंगल परिसरात लावलेल्या अॅम्बुशमध्ये 1 पोलीस अधिकारी व 01 पोलीस जवान शहीद झाले.

कार्यकाळात केलेले गुन्हे –

राजे उसेंडी हिच्यावर १ खून, ४ चकमक, १ जाळपोळ असे एकूण ६ गुन्हे दाखल आहेत. २०१९ रोजी मौजा मुसपर्शी येथील साईनाथ तव्वे या इसमाच्या खुनात तिचा सहभाग होता.

चेन्नईला पराभूत करण्यासाठी रोहित शर्माचे मोठे प्लॅनिंग, उपकर्णधारच होऊ शकतो संघाबाहेर
आत्मसमर्पीत होण्याची कारणे –

१. नक्षल दलमध्ये वरिष्ठ माओवाद्यांकडून महिला व मुले यांना वाईट वागणूक मिळत असल्यामुळे.
२. जंगलामध्ये असंख्य मैलाचा प्रवास पायी करावा लागत असल्यामुळे.
३. जनतेचा नक्षलवाद्यांना पाठींबा मिळत नसल्यामुळे.
४. दलमध्ये अवजड ओझ्याची कामे फक्त महिलांना दिली जातात त्यांना इतर बाबतीत सहभागी केले जात नाही.
५. दलमध्ये नसबंदी करून पती-पत्नीला इतर दलममध्ये वेगवेगळे ठेवत असल्यामुळे.
६. पोलीस दलाच्या नक्षलविरोधी अभियानामुळे जंगलातील वावर धोकादायक झाल्यामुळे.
७. वरिष्ठ कॅडर व कनिष्ठ कॅडरमध्ये मुलभूत सुविधांसाठी भेदभाव केला जात असल्यामुळे
८. वरिष्ठ माओवाद्यांकडून वैद्यकीय कारणासाठी पैसे दिले जात नसल्यामुळे.
९. महाराष्ट्र शासनाच्या आत्मसमर्पण योजनेने प्रभावीत होवून आत्मसमर्पण केल्याचे सांगितले.

परफेक्ट समर लुकसाठी ट्राय करा या बेस्ट cotton kurti for women
महाराष्ट्र शासनाने जाहीर केलेले बक्षीस –

१. महाराष्ट्र शासनाने कोलु पदा याचेवर ८ लाख रूपयाचे बक्षीस जाहिर केले होते.
२. राजे उसेंडी हिचेवर ४ लाख रूपयाचे बक्षीस जाहीर केले होते.

आत्मसमर्पणानंतर शासनाकडून मिळणारे बक्षीस –

१. आत्मसमर्पणानंतर पुनर्वसनाकरीता शासनाकडुन कोलु पदा यास ३.५० लाख रुपये बक्षीस जाहिर केले आहे.
२. आत्मसमर्पणानंतर पुनर्वसनाकरीता शासनाकडुन राजे उसेंडी हीला २.५० लाख रुपये बक्षीस जाहिर केले आहे.
३. पती-पत्नीने एकत्रीत आत्मसमर्पणानंतर अतिरिक्त १.५० लाख असे एकुण ७.५० लाख रुपये तसेच शासनाच्या इतर योजनेचा लाभ मिळवून देण्यात येणार आहे.

Smartphone Apps: CCTV ची गरजच नाही! ‘या’ ४ अ‍ॅप्सच्या मदतीने २४ तास ठेवू शकता घरावर लक्ष

LEAVE A REPLY

Please enter your comment!
Please enter your name here