अशाप्रकारच्या ट्रोलिंगमुळे नेत्यांचं मानसिक आरोग्य बिघडू शकते. केतकी चितळेचे वक्तव्य अतिश्य घाणेरडं आणि चुकीचं आहे. अभिव्यक्ती स्वातंत्र्याचा वापर करायचा असेल तर धोरणांवर, भूमिकांवर आणि राजकारणावर टीका करा. पण कुणाच्या अंगावर, दिसण्यावर नाही, असे सुजात आंबेडकर यांनी म्हटले.
‘तिला मानसिक उपचाराची गरज’, केतकी चितळेवर अजितदादा भडकलेकेतकी चितळे हिच्या फेसबुक पोस्टनंतर राज्यभरातील राष्ट्रवादी काँग्रेसच्या कार्यकर्त्यांकडून संताप व्यक्त केला जात आहे. केतकी चितळे हिच्यावर कठोर कारवाई व्हावी, अशी मागणी केली जात आहे. ठाणे सत्र न्यायालयाने रविवारी झालेल्या सुनावणीवेळी केतकी चितळे हिला ३ दिवसांची पोलीस कोठडी सुनावली होती. १८ मे रोजी तिला पुन्हा न्यायालयात हजर केले जाईल. तोपर्यंत ठाणे गुन्हे अन्वेषण शाखेकडून केतकी चितळे हिची चौकशी होईल. या सगळ्या प्रकारामागे एखाद्या तिसऱ्या व्यक्तीचा हात आहे का, याचा शोध सध्या पोलिसांकडून घेतला जात आहे.
केतकी चितळे कोर्टात काय म्हणाली?
केतकी चितळेला रविवारी ठाणे सत्र न्यायालयात हजर करण्यात आले. त्यावेळी केतकीने (Ketaki Chitale) वकील न घेता न्यायालयात स्वत:ची बाजू मांडली. इंग्रजी भाषेत युक्तिवाद करताना केतकी चितळेने अभिव्यक्ती स्वातंत्र्याचा मुद्दा उपस्थित केला. मी फेसबुकवर जी पोस्ट टाकली ती एक प्रतिक्रिया होती. एक सामान्य व्यक्ती म्हणून मला लिहण्याचे आणि बोलण्याचे स्वातंत्र्य नाही का, असा सवाल केतकी चितळे हिने उपस्थित केला. मी राजकीय नेता किंवा मास लीडर नाही. त्यामुळे माझ्या लिहण्याने कायदा-सुव्यवस्थेचा प्रश्न निर्माण होण्याचा प्रश्नच येत नाही, असेही केतकीने म्हटले. ही पोस्ट मी स्वत:च्या मर्जीने फेसबुकवर टाकली होती, असे सांगत तिने या सगळ्यामागे इतर कोणाचाही हात असल्याची शक्यताही नाकारली.
डोक्याला शॉक, चेतासंस्थेत बिघाड; पवारांवर बोलणारी केतकी चितळे या आजाराने ग्रस्त
