नाशिकमध्ये पोलीस आयुक्तांचा मोठा निर्णय; १६ ठिकाणी ‘नो ड्रोन फ्लाइंग झोन’ घोषित – big decision of commissioner of police in nashik; 16 places declared ‘no drone flying zones’

नाशिक शहरात १६ ठिकाणी ‘नो ड्रोन फ्लाइंग झोन’ घोषित करण्यात आला आहे. अमृतसरमध्ये ९ मे रोजी पाकिस्तानचा एक ड्रोन अंमली पदार्थांची तस्करी करुन भारतीय सीमा हद्दीत घुसण्याचा प्रयत्न करत असताना सीमा सुरक्षा दलाच्या जवानांनी सदर ड्रोन निकामी केला. या पार्श्वभूमीवर नाशिक पोलीस ‘अलर्ट’ झाले असून सुरक्षिततेसाठी नवीन आदेश देण्यात आले आहेत.

‘नो ड्रोन फ्लाइंग झोन’ म्हणून घोषित करण्यात आलेल्या परिसरात कोणत्याही प्रकारे हवाई खेळ अथवा ड्रोन वापरता येणार नसल्याचे आदेश पोलीस आयुक्त जयंत नाईकनवरे यांनी दिले आहेत.

उद्धव ठाकरेंनी RSS वर टीका केल्याने नाराज, शिवसेनेच्या बड्या नेत्याचा राजीनामा

कोणत्या ठिकाणांचा समावेश?

पोलीस आयुक्तांचा आदेशानुसार देवळाली कॅम्पमधील स्कूल ऑफ आर्टिलरी, इंडिया सिक्युरिटी प्रेस, करन्सी नोट प्रेस, एकलहरे थर्मल पॉवरस्टेशन, शासकीय मुद्रणालय, श्री काळाराम मंदिर यासह बोरगड आणि देवळाली कॅम्प येथील एअरफोर्स स्टेशन, कॉम्बॅक्ट आर्मी एव्हिएशन विंग, मध्यवर्ती कारागृह, किशोर सुधारालय, महाराष्ट्र पोलीस अकादमी, आकाशवाणी केंद्र, पोलीस मुख्यालय, पोलीस आयुक्तालय, जिल्हा व सत्र न्यायालय, रेल्वे स्टेशन नाशिकरोड, मनपा जलशुद्धीकरण केंद्र यांना संवेदनशील ठिकाणे म्हणून घोषित करण्यात आलं आहे.