पुणे: राज्यात मुंबईनंतर पुण्यात करोनाचा प्रादुर्भाव मोठ्या प्रमाणात असून, गेल्या २४ तासांत करोनाच्या संसर्गानं दोन जणांचा मृत्यू झाला आहे. त्यात एका महिलेचा आणि एका पुरुषाचा समावेश आहे.
गेल्या २४ तासांत एका महिलेचा आणि एका पुरुषाचा करोनाची लागण होऊन मृत्यू झाला आहे. या दोघांवर ससून रुग्णालयात उपचार सुरू होते. त्यामुळं आता पुण्यातील मृतांची संख्या ३३ वर पोहोचली आहे. नानापेठेतील ४० वर्षांच्या व्यक्तीला ससूनमध्ये ११ एप्रिल रोजी उपचारासाठी दाखल करण्यात आले होते. काल त्याचा मृत्यू झाला. मात्र करोना चाचणीचा अहवाल आज प्राप्त झाला. तर कोंढवा खुर्द येथील ५० वर्षांच्या महिलेला ९ एप्रिल रोजी ससूनमध्ये दाखल करण्यात आले होते. तिला श्वसनाचा विकार, लठ्ठपणा आणि किडनीचाही आजार होता. तिचा सोमवारी सकाळी मृत्यू झाला. त्यामुळं मृतांचा आकडा आता ३३ झाला आहे.
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
