दहशतवाद्याचा मोबाईल ATSच्या हाती; कोणाशी संपर्क केला? मोठा खुलासा होण्याची शक्यता – raees ahmed sheikh asadullah sheikh’s mobile phone seized in reshim bagh smriti mandir case
नागपूर : रेशीमबागेतील स्मृती मंदिराची रेकी केल्याप्रकरणी अटकेतील दहशतवादी रईस अहमद शेख असादउल्ला शेख (वय २८) याचा मोबाइल जप्त करण्यात आला आहे. या मोबालद्वारे रईसने कुठे-कुठे व कोणाशी संपर्क साधला, याची माहिती मिळवण्यासाठी दहशतवाद विरोधी पथकाने तो सायबर न्यायवैद्यक प्रयोगशाळेकडे तपासणीसाठी पाठवला आहे. दरम्यान, एटीएस कोठडी संपल्याने न्यायालयाने रईसची न्यायालयीन कोठडींतर्गत कारागृहात रवानगी केली.
रईस हा गेल्यावर्षी पाकव्याप्त काश्मीरातील जैश-ए-मोहम्मद या दहशतवादी संघटनेचा कमांडर ओमर याच्या संपर्कात आला. ओमरने त्याला रेशीमबागेतील स्मृती मंदिर व महालमधील राष्ट्रीय स्वयंसेवक संघाच्या मुख्यालयाची रेकी करण्यासाठी नागपुरात पाठविले. एप्रिल महिन्यात रईसने स्मृती मंदिराचे मोबाइलद्वारे छायाचित्रण केले. जानेवारी महिन्यात जम्मू-काश्मीर पोलिसांनी त्याला अटक केली. मनसे आक्रमक; औरंगजेबच्या कबरीवर जाण्यास मनाई, पुरातत्त्व विभागाचा आदेश
चौकशीदरम्यान स्मृती मंदिराचे चित्रीकरण केल्याचे त्याने सांगितले. ही माहिती नागपूर पोलिसांना देण्यात आली. गुन्हेशाखा व एटीएसचे पथक जम्मू काश्मीरला गेले. जानेवारीत रईसविरुद्ध कोतवाली पोलिस स्टेशनमध्ये गुन्हा दाखल करण्यात आला. या प्रकरणाचा तपास नागपूर एटीएसकडे सोपविण्यात आला. एटीएसच्या पथकाने प्रॉडक्शन वारंटवर रईसला अटक केली. एटीएसच्या पथकाला अद्याप त्याच्याकडून ठोस माहिती मिळाली नसल्याचे कळते.
मनसे आक्रमक; औरंगजेबच्या कबरीवर जाण्यास मनाई, पुरातत्त्व विभागाचा आदेश
