raj thackeray ayodhya visit: मोठी बातमी: राज ठाकरेंचा अयोध्या दौरा स्थगित होण्याची दाट शक्यता – mns chief raj thackeray ayodhya visit may cancelled or postponed due to health issues

राज ठाकरे यांच्या अयोध्या दौऱ्याला उत्तर प्रदेशातील भाजप खासदार बृजभूषण सिंह यांनीही कडाडून विरोध केला होता. राज ठाकरे यांनी उत्तर भारतीयांचा अपमान केला होता. यासाठी ते माफी मागत नाहीत, तोपर्यंत राज ठाकरे यांना अयोध्येत पाऊल ठेवून देणार नाही, अशी गर्जना बृजभूषण सिंह यांनी केली होती. त्यामुळे राज ठाकरे यांचा अयोध्या दौरा खडतर मानला जात होता. राज ठाकरे यांच्या अयोध्या दौऱ्याासाठी मनसेने जोरदार तयारी केली होती. शरयू नदीच्या काठावर जोरदार शक्तीप्रदर्शन करण्याचा प्लॅन मनसेने आखला होता. तसेच मनसेच्या कार्यकर्त्यांना अयोध्येत जाण्यासाठी १० एक्स्प्रेस रेल्वेगाड्या बूक करण्यासंदर्भातही बोलणी सुरु होती. मात्र, आता राज ठाकरे यांनीच प्रकृतीच्या कारणास्तव बॅकआऊट केल्यास मनसेची अयोध्या दौऱ्याची तयारी थंडावणार आहे.