देशातील, राज्यातील विविध सामाजिक, राजकीय घटनांवर त्या त्यांची मतं ठामपणे, परखडपणे व्यक्त करत असतात. अनेकदा त्यावरून वादंगही निर्माण होतात. परंतु अमृता त्यांच्या मतांवर ठाम असतात. राजकारण आणि समाजकारणाबरोबर अमृता कलाक्षेत्रातही तितक्याच सक्रीय आहेत. त्या गायिका असून त्यांची अनेक गाणी प्रसिद्ध झाली आहेत.
पेशानं बँकर असलेल्या गायिका अमृता फडणवीस यांनी त्या ७५ व्या कान्स फिल्म फेस्टिव्हलमध्ये सहभागी होत असल्याचं सोशल मीडियावर शेअर केलं. तेव्हा त्यांच्या चाहत्यांसह सर्वांनाच मोठा आश्चर्याचा धक्का बसला आहे. अमृता यांनी सोशल मीडियावर पोस्ट शेअर करताना लिहिलं आहे की, ‘कान्समध्ये पोहोचले कान्स चित्रपट महोत्सव २०२२ साठी आणि बेटर वर्ल्डसाठी…’
सोशल मीडियावर आला कॉमेन्टसचा महापूर
कान्स फेस्टिव्हलमध्ये सहभागी होत असल्याची अमृता फडणवीस यांची पोस्ट आल्यानंतर सोशल मीडियावर कॉमेन्ट्सचा महापूर आला आहे. काहींनी अमृता फडणवीस यांना शुभेच्छा दिल्या आहेत. तर काहींनी त्यांना ट्रोल केलं आहे. ट्रोल करणाऱ्यांपैकी अनेकांनी अमृता यांना कान्समध्ये जाऊन गाणं न गाण्याचा सल्ला दिला आहे. तर काहीजणांनी त्यांच्या पाश्चात्य कपडे घालण्यावरून टीका केली आहे.
तर काही युझर्सनी अमृता यांनी पोस्ट केलेल्या फोटोमधील बॅगेला टॅग दिसण्यावरूनही टीका केली आहे. यावरून टीका करणाऱ्यांना अमृता यांच्या समर्थकांनी चोख उत्तर देत त्यांची पाठीराखणही केली आहे. तर काही युझर्सनी अमृता यांच्या पाश्चात्य कपड्यांवरून आणि त्यांनी टिकली न लावण्यावरूनही ट्रोल केलं आहे.
यंदाचा कान्स भारतासाठी महत्त्वाचा
दरम्यान,आंतरराष्ट्रीय पातळीवर मानाचा समाजला जाणारा कान्स फिल्म फेस्टिव्हल १७ मे पासून सुरू झाला आहे. यंदाचा या फेस्टिव्हलचं ७५वं वर्ष असून तो २८ मे पर्यंत चालणार आहे. यंदाचा कान्स फेस्टिव्हल भारतासाठी खूपच खास आहे. कारण भारताला या फेस्टिव्हलमध्ये ‘कंट्री ऑफ ऑनर’ हा सन्मान मिळाला आहे. तसंच भारतातर्फे सहा सिनेमे या फेस्टिव्हलमध्ये दाखवले जाणार आहेत त्यामध्ये निखील महाजन दिग्दर्शित आणि जितेंद्र जोशी याची प्रमुख भूमिका असलेला ‘गोदावरी’ या मराठी सिनेमाचा समावेश आहे. याशिवाय या फेस्टिव्हलमध्ये बॉलिवूडमधील लोकप्रिय अभिनेत्री दीपिका पादुकोण ही ज्युरी म्हणून सहभागी झाल्यानं देशाची मान अभिमानानं अधिकच उंचावली आहे.
Cannes वारी! आर. माधवनला मिळालं १० मिनिटांचं ‘स्टँडिंग ओवेशन’
