परभणीतील गंगाखेडचे आमदार रत्नाकर गुट्टे यांच्या विरोधात तक्रार दाखल करण्यात आली आहे. शेत जमीनीच्या वादावरुन धमकी दिल्या प्रकरणी पोलीस स्टेशनला गुन्हा दाखल करण्यत आला आहे.
परभणी: या शेतातून तुम्ही निघून जा, हे शेत आमचे आहे, इथून निघुन गेला नाहीत तर आम्ही तुम्हाला याच शेतामध्ये जेसीबीने खड्डा करुन पुरुन टाकू अशी धमकी देऊन लाथाबुक्क्यांनी मारहाण केल्याने आमदार डॉ. रत्नाकर गुट्टे (Ratnakar Gutte) यांच्यासह तिघांवर गंगाखेड पोलीसात गुन्हा दाखल झाला आहे. ही घटना गंगाखेड तालुक्यातील बनपिंपळा शिवारात २० मे रोजी सकाळी दहा वाजेच्या सुमारास घडली. याप्रकरणी डॉ. रत्नाकर गुट्टे यांच्यासह साथीदारांवर गुन्हा दाखल करण्यात आला आहे. परभणी पोलिसांकडून या प्रकरणाचा अधिक तपास करण्यात येत आहे.
आधी किंमती भरमसाठ वाढवायच्या… कर कपातीवर उद्धव ठाकरेंची पहिली प्रतिक्रिया, म्हणाले…
गेल्या १० वर्षांपासून वाद
तारामती शेषेराव कोरके यांचे बनपिंपळा शिवारात सर्वे ६/३ मध्ये साडे तीन एकर शेत आहे. या जमीनीबाबत आ. डॉ. रत्नाकर गुट्टे, बाबा पोले, हनुमान लटपटे या तिघांसोबत मागील दहा वर्षापासून वाद सुरु आहे. या बाबत न्यायालयात देखील दावा झाला आहे. शुक्रवार २० मे रोजी तारामती कोरके व त्यांचे पती शेतामध्ये काम करत असताना गंगाखेड विधानसभा मतदार संघाचे राष्ट्रीय समाज पक्षाचे आमदार डॉ. रत्नाकर गुट्टे, बाबा पोले,हनुमान लटपटे हे तिघेजण तीस ते पसतीस जणांना सोबत घेऊन आले. त्यांनी तारामती कोरके यांना शेतातून बाहेरपडा नाहीतर इथेच खड्डा करुन पुरुन टाकू अशी धमकी दिली. शिवीगाळ करत मारहाण केल्याची तक्रार देण्यात आली आहे. या प्रकरणी गंगाखेड पोलीसात गुन्हा दाखल करण्यात आला असून पोलीस अधिक तपास करत आहेत.
‘माझा महाराष्ट्र माझी जबाबदारी कधी समजणार ?’ इंधन दरवाढीवरुन नवनीत राणांची उद्धव ठाकरेंवर टीका
गुन्हा दाखल करण्याची धमकी?
तुम्ही हे शेत सोडा नाही तर तुमच्यावर ॲट्रॉसिटी सारखे खोटे गुन्हे दाखल करू आणि तुमच्या कुटुंबातील सर्वांना जीवे मारून टाकू असे म्हणत तारामती कोरके व त्यांच्या कुटुंबायांना धमकी दिली असल्याचे गंगाखेड पोलीस ठाणे मध्ये देण्यात आलेल्या फिर्यादीत नमूद करण्यात आले आहे. दरम्यान या प्रकरणामुळे आमदार डॉ. रत्नाकर गुट्टे यांच्या अडचणीत वाढ होणार आहे.
दरम्यान, या प्रकरणी आमदार डॉ. रत्नाकर गुट्टे यांची बाजू समजू शकलेली नाही.
‘माझा महाराष्ट्र माझी जबाबदारी कधी समजणार ?’ इंधन दरवाढीवरुन नवनीत राणांची उद्धव ठाकरेंवर टीका
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
या बातम्यांबद्दल अधिक वाचा
Web Title : parbhani ganghakhed mla ratnakar gutte booked by police for gave life threat to some farmers
Marathi News from Maharashtra Times, TIL Network
Marathi News from Maharashtra Times, TIL Network
