nandurbar superintendent of police: खाकीतला देव माणूस: दिव्यांग श्रेयसच्या हाताला दर्दी अधिकाऱ्यांनी दिले बळ ! – helping hand disabled shreyas nandurbar police great work

नंदुरबार : जिल्हा मुख्यालय लगत असलेले पोलीस वसाहतीत श्रेयसच्या वडिलांनी १२ वर्षांपूर्वी एक गाळा भाड्याने घेतला होता आणि तेथे ते झेरॉक्सचा व्यवसाय करीत होते. श्रेयसची देखील मदत त्याच्या वडिलांना होत होती. श्रेयस हा दिव्यांग असून देखील वडिलांना दुकानात झेरॉक्स काढण्यास त्याचबरोबर दुकानातील इतर कामात मदत करत असे आणि आलेल्या पैशांवर कुटुंबाचा उदरनिर्वाह होत असे मात्र, दुर्दैवाने १६ एप्रिल रोजी हृदय विकाराच्या झटक्याने श्रेयसच्या वडिलांचं निधन झाले. त्यानंतर श्रेयस आणि त्याची आई हवालदिल झाले कारण घरातला कर्ता पुरुष गेला त्यातच त्यांना प्रश्न पडला होता घराचा खर्च कसा चालणार पाच किलोमीटर अंतरावर झेरॉक्स ची दुकान आहे.

श्रेयस दिव्यांग असल्यामुळे रोज दुकानात कसे जाणार त्याला नीट उभे राहता येत नाही नीट चालता येत नाही अडखळत बोलणारा हातापायाने दिव्यांग असलेला श्रेयस झेरॉक्स व्यवसाय कसा चालवणार, असे अनेक प्रश्न श्रेयसच्या आई भेडसावत होते. हे सर्व जिल्ह्यातील पोलीस अधीक्षक पी आर पाटील यांच्या कानावर गेले असता त्यांनी त्यांना पोलीस अधीक्षक कार्यालयात बोलावून घेतले. श्रेयस आणि त्याची आई पोलीस अधीक्षक कार्यालयात आल्यानंतर पोलीस अधीक्षकांनी अधिकाऱ्यांसह पैसे जमा करून ६३ हजारांचा चेक श्रेयसच्या हातात देत आर्थिक मदत केली आहे. त्यामुळे खाकीतल्या देव माणसाची प्रचीती घडवून देत पोलीस अधीक्षक पी आर पाटील यांनी एका दिव्यांगाला मदतीचा हात दिला आहे.

अर्जुन तेंडुलकरला मुंबई इंडियन्सने एकही संधी का दिली नाही, जाणून घ्या मोठं कारण…
पोलीस अधीक्षकांनी माणुसकीच्या भावनेतून नंदुरबार पोलीस दलातर्फे केलेल्या मदतीने आई मुलाला अश्रू अनावर झाले होते. यावेळी पोलीस अधीक्षक पी आर पाटील यांनी श्रेयसला ६३ हजारांचीही आर्थिक मदतच नाही तर त्याला संकटाशी लढण्याचे बळ देखील दिले. आता श्रेयसला आत्मविश्वास आला आहे, लढण्याची ताकद त्यात आली आहे. आता तो आईसह झेरॉक्स व्यवसाय सुरूच ठेवणार असून त्याच्या तीनचाकी वाहनावर किंवा रिक्षेने तो दुकानात जाईन असा आत्मविश्वास देखील त्याने यावेळी व्यक्त केला आहे.

राजे, उद्या दुपारी १२ वाजता शिवबंधन बांधायला मातोश्रीवर या, उद्धव ठाकरेंचा निरोप
श्रेयसची आई यांना देखील पोलिसांच्या या आर्थिक मदतीमुळे खूप मोठा आधार मिळाला आहे. दोन महिन्याचे दुकानाचे भाडे देखील पोलीस अधीक्षकांनी माफ केले आहे. पोलिसांनी नेहमीच सहकार्य केले आहे आणि पोलीस अधीक्षक यांनी केलेली मदत नक्कीच मोलाची ठरेल एस पी साहेबांना भावासारखे आमचे नातेवाईकच समजू साहेबांनी जे केले ते खूपच कौतुकास्पद आहे, असे बोलत श्रेयसच्या आईने पोलीस अधीक्षक यांचे आभार मानले.

सर्वसामान्य माणसाला आधार देणारे नंदुरबार मधील पोलीस दल नेहमीच चर्चेत येत आहे. माणुसकीच्या झऱ्याचं ममत्व असच राहिल्यास राज्यात नंदुरबार जिल्हा पोलीसदल नक्कीच कौतुकास्पद ठरणार असून समाजात पोलिसांच्या धाकासोबत त्यांच्या ममत्वाची महती देखील झाल्याखेरीज राहणार नाही.

नवीन फोन खरेदी करताय? त्याआधी ‘या’ वर्षातील आतापर्यंतच्या सर्वात बेस्ट स्मार्टफोन्सची लिस्ट एकदा पाहाच