मुंबई- राष्ट्रवादी काँग्रेसचे सर्वेसर्वा शरद पवार यांच्यावर आक्षेपार्ह फेसबुक पोस्ट लिहिल्याप्रकरणी पोलीस कोठडीत असलेल्या केतकी चितळे ला (Ketaki Chitale) आता १५ दिवसांची न्यायालयीन कोठडी सुनावण्यात आली आहे. अॅट्रॉसिटी प्रकरणात ठाणे सत्र न्यायालयाने केतकीला ७ जूनपर्यंत न्यायालयीन कोठडी सुनावली आहे. आज २४ मे रोजी न्यायालयात हा निर्णय देण्यात आला.

केतळी चितळे आहे या दुर्मिळ आजाराने ग्रस्त, स्वत:च दिली याची माहिती

केतकी तिचं मत फेसबुक पोस्टद्वारे व्यक्त करत असते. पण यात समाज प्रबोधनाऐवजी ती वादग्रस्त विधानं करण्यातच धन्यता मानते. केतकीने १ मार्च २०२० रोजी फेसबुकवर एक पोस्ट शेअर केली होती. यात तिनं अनेक धर्मांचा उल्लेख केला होता. यात तिने नवबौद्धांवरची तिची मतं मांडली होती. याच गोष्टीमुळे आता तिच्याविरोधात अॅट्रॉसिटीचा गुन्हा दाखल करण्यात आला. याआधी २० मे रोजी तिला याच प्रकरणात ५ दिवसांची पोलीस कोठडी सुनावण्यात आली होती.

केतकी चितळे फेसबुक

केतकीने फेसबुकवर नेमकी काय लिहिलं?

केतकीनं तिच्या पोस्टमध्ये लिहिलं आहे की, ‘नवबौद्ध, ६ डिसेंबरला फुकट मुंबई दर्शनास येतात, तो धर्म विकासासाठीचा हक्क’, आम्ही फक्त हिंदू,असा शब्द उद्गारला, तर घोर पापी, कट्टरवादी!? पण अर्थात चूक कुणा दुसऱ्यांची नाही, तर आमचीच आहे. आम्ही स्वतःच्यातच भांडण्यात इतके बिझी आहोत, आम्हाला आमच्यातच फूट पाडणारे नेते आवडतात आणि आम्ही त्यांना ती फूट पाडू देतो, की स्वतःचा धर्म आम्ही विसरतो.’ नवबौद्धांसंदर्भातल्या वक्तव्यावर तिच्याविरोधात पोलीस ठाण्यात तक्रार दाखल केली होती. जाती जमाती अत्याचार प्रतिबंधक कायद्यान्वये म्हणजेच ॲट्रॉसिटी प्रतिबंध कायद्याअंतर्गत गुन्हा दाखल केला होता.

केतकी चितळे प्रकरणावर शरद पोंक्षे म्हणाले, ‘काहीही झालं तरी पातळी सोडू नये’

कुठपर्यंत आला तपास

ठाणे गुन्हे शाखेच्या युनिट १ कडून केतकी चितळे हिची पोलीस कोठडीत कसून चौकशी करण्यात आली होती. पोलिसांनी तिच्या घरी जाऊन तिचा लॅपटॉप आणि अन्य काही गोष्टीही ताब्यात घेतल्या होत्या. केतकी चितळेचा मोबाईलही पोलिसांच्या ताब्यात आहे. तिच्या लॅपटॉप आणि मोबाईलची सायबर सेलकडून तपासणी करण्यात आली होती. त्याचा अहवाल ठाणे गुन्हे शाखेला सोपवण्यात आला आहे. मात्र, या अहवालातील नेमका तपशील अद्याप समोर येऊ शकलेला नाही.

LEAVE A REPLY

Please enter your comment!
Please enter your name here