फोटो सौजन्य- अनुष्का शर्मा/इन्स्टाग्राम
अनुष्काने अलीकडेच एक इन्स्टाग्राम पोस्ट देखील केली होती. ज्यामध्ये तिने नो मेकअप लुक शेअर केला आहे. या फोटोला कॅप्शन देताना तिने असे म्हटले आहे की, ‘Tan’ on ten. अर्थात हा टॅन लुक मैदानात कडक उन्हात घाम गाळल्यामुळे झाला असावा असा अंदाज आहे. तिच्या या नो मेकअप लुकचेही चाहते कौतुक करत आहे.
Chakda Xpress या सिनेमाबाबत बोलायचे झाले तर या सिनेमाचा पहिला टीजर जानेवारी महिन्यात शेअर करण्यात आला होता. भारतीय क्रिकेट महिला संघाची माजी कर्णधार झुलन गोस्वामी हिच्या आयुष्यावर आधारीत हा सिनेमा आहे. या सिनेमाविषयी बोलताना एका मुलाखतीमध्ये अनुष्काने असेही म्हटले आहे की ती काही बॅटिंग टिप्स क्रिकेटर-पती विराट कोहली याच्याकडून देखील घेते.
Big Boss 16 : सुरू होतोय सलमान खानचा बहुचर्चित शो, इथे वाचा सदस्यांची यादी
या सिनेमाचे दिग्दर्शन प्रोसित रॉयने केले असून अनुष्कासाठी हा सिनेमा खास असणार आहे. कारण आई झाल्यानंतर दीर्घ काळानंतर अनुष्का बॉलिवूडमध्ये कमबॅक करत आहे. ती शेवटचे शाहरुख खान याच्यासह झिरो या सिनेमात २०१८ साली दिसली होती. त्यामुळे हा सिनेमा यशस्वी झाल्यास अनुष्कासाठी ही बाब अत्यंत महत्त्वाची ठरू शकते.
