हृतिक आणि सबा आझाद यांचे अनेक फोटो सोशल मीडियावर आधी व्हायरल झाले आहेत. मात्र पहिल्यांदाच ते ऑफिशिअली सार्वजनिक ठिकाणी एकत्र दिसले आहेत. त्यामुळे आता हृतिक आणि सबाने त्यांचे रिलेशनशिप पब्लिकली ऑफिशिअल केले आहेत. यावेळी त्यांनी आउटफिट देखील कलर कॉर्डिनेट करुन परिधान केले होते. त्यांनी ब्लॅक आउटफिटमध्ये करण जोहरच्या पार्टीमध्ये एंट्री केली होती. हातात हात घेऊन त्यांनी कॅमेरासमोर रोमँटिक पोज देखील दिली.
जानेवारी २०२२ पासून सुरू आहे डेटिंगची चर्चा
हृतिक रोशन आणि सबा आझाद (Hrithik Roshan Saba Azad dating) यांना यावर्षी जानेवारीमध्ये एकत्र स्पॉट करण्यात आले होते, तेव्हापासून त्यांच्या डेटिंगच्या चर्चा सुरू झाल्या होत्या. त्यावेळी दोघांकडूनही याबाबत कोणतीही अधिकृत माहिती समोर आली नव्हती. मात्र त्यानंतर अनेकदा त्यांना एकत्र पाहिले गेले. अनेकदा सबा हृतिकच्या कुटुंबीयांसह देखील दिसली आहे. हृतिक रोशनच्या कुटुंबीयांनी सोशल मीडियावर पोस्ट केलेल्या काही फोटोंमध्ये देखील सबा स्पॉट झाली आहे. याशिवाय अनेकदा हे लव्ह बर्ड्स एकमेकांच्या सोशल मीडिया पोस्टवर कमेंट्स करताना दिसतात. आता हे कपल एकत्र पार्टीमध्ये रोमँटिक अंदाजात दिसल्याने चाहत्यांनी त्यांचे रिलेशनशिप ऑफिशिअल झाल्याचा अंदाज बांधला आहे.
२०१४ मध्ये झाला होता हृतिक रोशनचा घटस्फोट
हृतिक रोशन आणि सुझान खान यांनी २०१४ साली एकमेकांपासून वेगळं होण्याचा निर्णय घेतला होता. त्यांचे २००० साली लग्न झाले असून त्यांना दोन मुलं देखील आहे. आता हृतिक सबाला डेट करत असून सुझान देखील अर्सलान गोनी (Arslan Goni) सह रिलेशनशिपमध्ये असल्याची चर्चा आहे.
