मुंबई :साथ निभाना साथिया‘ मालिकेमुळे लोकप्रियतेच्या शिखरावर पोहोचलेली टीव्ही अभिनेत्री देवोलीना भट्टाचार्य हिने नुकताच एक भयंकर अनुभव सांगितला. देवोलीनाच्या इमारतीत काम करणाऱ्या मोलकरणीची हत्या झाली. हाऊसकीपिंग टीममध्ये काम करणाऱ्या तरुणानेच तिचा खून केल्याचं समोर आलं आहे. दोन दिवसांपूर्वी ३० वर्षीय महिलेचा मृतदेह गोणीत भरुन रेल्वे रुळांवर फेकल्याची घटना समोर आली होती. ही महिला देवोलीनाच्या बिल्डिंगमध्ये काम करत होती. घरात एकटीने राहणं कठीण झाल्याचं देवोलीना सांगते.

देवोलीना काय म्हणते?

इमारतीतील मोलकरणीची हत्या झाल्याची घटना समोर आल्यापासून घरात माझ्या कुत्र्यासोबत एकट्याने राहणं भीतीदायक वाटतंय. मी जिथे राहते, तिथेच ही घटना घडली. पोलिसांनी जलद गतीने केलेल्या तपासाचं कौतुकच आहे. पण सगळ्याच रहिवाशी इमारतींमध्ये सुरक्षेचे चांगले उपाय असावेत. बिल्डिंगमध्ये काम करणाऱ्या कर्मचाऱ्यांवर नजर ठेवणंही गरजेचं आहे, असं देवोलीना म्हणाली.

धक्कादायक! लोकलमधून मृतदेह नेला, गोणीच्या नावावरून आरोपीला बेड्या

मुंबई हे सुरक्षित शहर आहे. मी इथे एकटीच राहते. मला असुरक्षित वाटण्याचं कधीच कारण नव्हतं. पण बिल्डिंगभोवती फेरी मारायला जाताना कधीकधी भीती वाटते. कारण मी अभिनेत्री आहे, लोक बघत असतात, आणि तुम्हाला अस्वस्थ व्हायला होतं. या घटनेनंतर तर मी अनोळखी व्यक्तींना माझ्या घरात येऊ देणार नाही. हे खूपच भीतीदायक आहे. पण तरी मी म्हणेन की मुंबई महिलांसाठी सुरक्षित शहर आहे, असंही देवोलीनाला वाटतं.

माझ्या भावाचं लग्न असल्यामुळे आई काही दिवस आसाममध्येच आहे. मात्र हा विवाह सोहळा झाल्यानंतर तिने मुंबईला माझ्याजवळ यावं, असं मला वाटतं. मला जरा बरं वाटेल आणि मला माझ्या कुत्र्यासोबत एकटीला राहावं लागणार नाही, असंही देवोलीना म्हणाली.

मी विधान परिषदेवर जावं ही कार्यकर्त्यांची मनापासून इच्छा : पंकजा मुंडे
काय आहे हत्या प्रकरण?

३० वर्षीय नवविवाहित महिलेचा खून करून तिचा मृतदेह गोणीत भरून रेल्वे रुळांवर फेकल्याचा प्रकार दोन दिवसांपूर्वी मुंबईत समोर आला होता. २१ वर्षीय आरोपी विकास खैरनारला मुंबई सेंट्रल रेल्वे पोलिस आणि गुन्हे शाखेच्या पथकाने बेड्या ठोकल्या आहेत. गोणीवरील छपाईवरून पोलिसांनी आरोपीचा शोध घेतला.

माटुंगा ते माहीम स्थानकादरम्यान रेल्वे रुळांवर तीन गोणीमध्ये महिलेचा मृतदेह असल्याचे प्रकार रेल्वेच्या गँगमनने पोलिसांच्या निदर्शनास आणून दिले. या प्रकरणी तपास करताना रेल्वे पोलिसांनी सांगितले की, गोरेगाव पूर्वेत राहणाऱ्या सारिका चाळके या महिलेचे आरोपी विकासकडून उसने पैसे घेतले होते. वारंवार मागणी करून ही पैसे देत नसल्याने विकासच्या मनात राग होता. सोमवारी दुपारी तीन वाजण्याच्या सुमारास सॅटेलाइट टॉवरच्या तिसऱ्या मजल्यावरील शौचालयात नेऊन तिच्यावर वार करत तिचा खून केला.

मुख्यमंत्र्यांनी दिलेला शब्द पाळाल पण संभाजीराजेंनी नाकारला | अरविंद सावंत

LEAVE A REPLY

Please enter your comment!
Please enter your name here