महाराष्ट्रातील भाविकांच्या वाहनाला उत्तराखंडमध्ये अपघात; ३ जणांनी गमावला जीव – vehicle of devotees from maharashtra had an accident in uttarakhand; 3 passed away

भंडारा/ नागपूर : उत्तररकाशी येथे यमुनोत्री महामार्गावर बोलेरो गाडी दरीत कोसळल्याने तीन यात्रेकरू ठार झाले. मृतकात विदर्भातील दोघांचा समावेश आहे. जयश्री अनिल कोसरे (रा. तुमसर जि. भंडारा) आणि अशोक महादेव भेंडे (रा. नागपूर) असे मृतकाचे नाव असल्याची माहिती आहे. मुंबईच्या अंधेरी येथील रहिवासी पुरणनाथ यांचाही या अपघातात मृत्यू झाला आहे.

या घटनेची माहिती मिळताच शुक्रवारी कोसरे कुटुंबीय उत्तरकाशीकडे रवाना झाले. जयश्री यांच्या पार्थिवावर रविवारी अंत्यसंस्कार करण्यात येणार आहेत. शुक्रवारी दिवसभर कोसरे यांच्या घराला कुलूप होते. तुमसर येथील बोरी मार्गावर राहत असलेले कोसरे कुटुंबातील सहा सदस्य उत्तरकाशी येथे गेले होते. अपघातात जयश्री कोसरे यांचा मृत्यू झाला असून, कुटुंबातील इतर सदस्य जखमी झाले आहेत. जयश्री यांचा मृतदेह रविवारी आणण्यात येणार असून त्यांचे मूळ गाव चांदोरी (ता. तिरोडा) येथे अंत्यसंस्कार करण्यात येणार आहे.

लडाखमध्ये लष्करी बस नदीत कोसळली; साताऱ्याचे सुपुत्र सुभेदार विजय शिंदे यांना वीरमरण

या अपघातात जखमी झालेल्या बडवाईक नामक व्यक्तीशी प्रशासनाने संपर्क केला. त्यांच्याकडून घटनेची हकीकत जाणून घेण्यात आली. त्यानंतर त्यांच्याशी संपर्क होऊ शकला नाही. त्यांचा भ्रमणध्वनी बंद येत होता.