परभणीच्या पूर्णा तालुक्यातील मौजे पांगरा ढोणे येथील एका शेतकऱ्याच्या १८ वर्षीय तरुण मुलाने आपल्या शेतातील झाडाला गळफास लावून आत्महत्या केली. या प्रकणी चुडावा पोलीस ठाण्यात अकस्मात मृत्यूची नोंद करण्यात आली आहे. कुंडलीक ऊर्फ अभिषेक नागोराव ढोणे असे मयत युवकाचे नाव आहे.
विवाहितेचे अश्लील व्हिडीओ सोशल मीडियावर व्हायरल, एक्स-बॉयफ्रेण्डवर गुन्हा
गावातील सुपरिचित कुंडलीक हा पांगरा ढोणे येथे आपल्या आई, वडिल, भावासोबत राहत असे. त्यांची शिवारात तीन एकर शेती आहे. त्याचे कुटुंबीय आपल्या शेतात काम करून उदरनिर्वाह चालवत असत.
रात्री लिंबाच्या झाडाला गळफास
शुक्रवारी रात्री कुंडलीक घरुन शेतात झोपण्यासाठी म्हणून गेला होता. गुरुवार दि. २६ रोजी रात्री १२ ते पहाटे ६ वाजेच्या सुमारास त्याने शेतातील दोरीने लिंबाच्या झाडाला गळफास लावून आत्महत्या केली. हा प्रकार पहाटे त्याचे काका चंद्रकांत शेषेराव ढोणे यांच्या लक्षात आला. त्यांनी तातडीने घटनेची माहिती कुटुंबीय व चुडावा पोलीसांना दिली.
लग्नाच्या दिवशीच एक्स बॉयफ्रेंडनं नवरदेवाला पाठवले नवरीचे प्रायव्हेट फोटो, अन् मग…
त्याने कोणत्या तरी चिंतेपोटी आत्महत्या केली असावी या चंद्रकांत ढोणे यांनी दिलेल्या तक्रारीची नोंद घेत चुडावा पोलीसांनी अकस्मात मृत्यूची नोंद केली आहे. घटनास्थळी सपोनी. गुलाब बाचेवाड, जमादार प्रभाकर कच्छवे, पोहेकॉ प्रविण टाक, पो.कॉ. मिटके यांनी धाव घेऊन झाडाला लोंबकळत असलेला मृतदेह ताब्यात घेत पंचनामा केला. त्यानंतर मृतदेह उत्तरीय तपासणीसाठी येथील ग्रामीण रुग्णालयात दाखल करण्यात आला आहे. कुंडलीक ढोणे या तरुणाने नेमकी आत्महत्या का केली हे मात्र स्पष्ट समजू शकले नाही. या घटनेने पांढरा ढोणे गावावर शोककळा पसरली आहे.
आईच्या जिद्दीला सलाम; मुलाची उंची फक्त ३६ इंच, पण त्याच्यापेक्षाही कमी उंचीची नवरी शोधून दाखवली
