मुंबई : मुंबई महापालिकेचे आयुक्त इक्बालसिंह चहल यांची केंद्रात बदली करण्यात आली आहे. भारत सरकारमध्ये त्यांना सचिव पदावर बढती मिळाली आहे. इक्बालसिंह चहल हे मुंबई महापालिकेत सत्ता असलेल्या शिवसेना आणि मुख्यमंत्री उद्धव ठाकरे यांचे निकटवर्तीय मानले जात. त्यामुळे आगामी मुंबई महापालिका निवडणुकांच्या तोंडावर हा शिवसेनेला धक्का ठरु शकतो. मुंबईतील कोरोनाचा संसर्ग आटोक्यात आणण्यासाठी इक्बालसिंह चहल यांची भूमिका महत्त्वाची ठरली होती. त्याची बक्षिसी म्हणूनच त्यांना थेट केंद्र सरकारमध्ये प्रमोशन मिळाल्याचं बोललं जात आहे. आता चहल यांच्या जागी कोणाची वर्णी लागणार, हे पाहणं उत्सुकतेचं ठरणार आहे.

कोण आहेत इक्बालसिंह चहल?

२० जानेवारी १९६६ रोजी इक्बालसिंह चहल यांचा जन्म झाला. त्यांनी बारावी परीक्षेत विज्ञान शाखेत ९६ टक्के गुणांसह राष्ट्रीय गुणवत्ता यादीत स्थान पटकावले होते. इलेक्ट्रॉनिक्स अॅण्ड इलेक्ट्रीकल कम्युनिकेशन इंजिनिअरिंग या विषयात बी. टेक. (ऑनर) ही पदवी संपादित केल्यानंतर चहल यांनी १९८९ मध्ये भारतीय प्रशासकीय सेवा परीक्षेत यश संपादन करुन सनदी सेवेमध्ये महाराष्ट्र तुकडीत प्रवेश केला. भारतीय प्रशासकीय सेवेचा ३१ वर्षांचा प्रदीर्घ अनुभव त्यांना आहे. इक्बालसिंह चहल यांनी नाशिक जिल्हा परिषदेचे मुख्य कार्यकारी अधिकारी, औरंगाबाद विभागाचे अतिरिक्त आयुक्त, औरंगाबादचे जिल्हाधिकारी, ठाणे जिल्हाधिकारी, पर्यावरण विभागाचे सहसचिव, धारावी पुनर्वसन प्रकल्पाचे मुख्य कार्यकारी अधिकारी, म्हाडाचे उपाध्यक्ष आणि मुख्य कार्यकारी अधिकारी, राज्य उत्पादन शुल्क आयुक्त, वैद्यकीय शिक्षण आणि औषधी विभागाचे सचिव ही पदे सक्षमतेने सांभाळली आहेत.
शाहू घराण्यानं सत्याची कास सोडली नसल्याचं सिद्ध, संजय राऊतांचं वक्तव्य
केंद्र सरकारने त्यांना केंद्रीय गृह खात्याचे सहसचिव, केंद्रीय महिला आणि बालकल्याण विभागाचे सहसचिव, पंचायती राज विभागाचे सहसचिव अशा विविध पदांची जबाबदारी मार्च २०१३ ते मार्च २०१६ या कालावधीमध्ये सोपवली होती. गृहनिर्माण आणि पुनर्वसन प्रकल्प, ग्रामविकास, दारिद्रय निर्मूलन, सामाजिक न्याय, आदिवासी विकास या विभागांमध्ये भरीव योगदान दिलेल्या चहल यांनी जलसंपदा खात्यामध्ये केलेल्या कामगिरी आधारे जानेवारी २०१८ मध्ये महाराष्ट्राला उत्कृष्ट जलसिंचन व्यवस्थापनाचा केंद्रीय पुरस्कार प्राप्त झाला. त्यांच्या नेतृत्वात ‘सेतू केंद्राच्या यशस्वी कामगिरीबद्दल राजीव गांधी प्रगती पुरस्कार, कॉम्प्युटर सोसायटी ऑफ इंडियाचा राष्ट्रीय इ-गव्हर्नन्स पुरस्कार २००२ देखील मिळाला आहे.

फेब्रुवारी २०१९ मध्ये राज्याला राष्ट्रीय जल पुरस्कार देखील मिळवून देण्यात त्यांचा महत्त्वाचा वाटा होता. मुंबई मॅरेथॉनमध्ये २००४ ते २०१८ पर्यंत सलग २१ किमी अंतराच्या हाफ मॅरेथॉनमध्ये सहभाग घेणारे धावपटू म्हणूनदेखील त्यांची वेगळी ओळख आहे.
मुख्यमंत्री उद्धव ठाकरेंनी शब्द फिरवला असं म्हणणं बरोबर नाही : श्रीमंत शाहू छत्रपती
कोरोना काळातील कामगिरीचं कौतुक

कोरोनाच्या कठीण काळातही त्यांनी उल्लेखनीय कामगिरी बजावली. मुंबईत विशेषत: धारावीत त्यांनी कोरोना आटोक्यात आणण्यासाठी खास उपाययोजना केल्या. त्यामुळे त्यांचं खूप कौतुकही झालं.

“इतरांनी चोमडेपणा करु नये”, चंद्रकांत पाटलांच्या टीकेला संजय राऊतांचं उत्तर

LEAVE A REPLY

Please enter your comment!
Please enter your name here