हिंगोली ते कनेरगाव मार्ग बासंबा पाटीजवळ आली असताना हिंगोलीकडून कनेरगावकडे भरधाव वेगाने जाणाऱ्या कारने त्यांच्या दुचाकीला धडक दिली. या अपघातामध्ये उषाबाई कामखेडे यांचा जागीच मृत्यू झाला तर मधुकर कामखेडे गंभीर जखमी झाले आहेत.
हायलाइट्स:
- अपघातात बाईकस्वार विवाहितेचा जागीच मृत्यू
- पिंपळखुटा येथे पाहुण्यांना भेटण्यासाठी जाताना अपघात
- पतीच्या डोक्याला व पायाला गंभीर दुखापत
पोलिसांनी दिलेल्या माहितीनुसार हिंगोली तालुक्यातील ढोलउमरी येथील मधुकर भिवाजी कामखेडे आणि त्यांची पत्नी उषाबाई मधुकर कामखेडे हे दोघे जण त्यांच्या दुचाकी वाहनावर शनिवारी रात्रीच्या सुमारास पिंपळखुटा येथे पाहुण्यांना भेटण्यासाठी येत होते. त्यांची दुचाकी हिंगोली ते कनेरगाव मार्ग बासंबा पाटीजवळ आली असताना हिंगोलीकडून कनेरगावकडे भरधाव वेगाने जाणाऱ्या कारने त्यांच्या दुचाकीला धडक दिली. या अपघातामध्ये उषाबाई कामखेडे यांचा जागीच मृत्यू झाला तर मधुकर कामखेडे गंभीर जखमी झाले आहेत.
तीन बहिणींची सामूहिक आत्महत्या; व्हॉट्सअॅप स्टेटस ठेवत सांगितलं धक्कादायक कारणया अपघाताची माहिती मिळाल्यानंतर पिंपळखुटा येथील गावकरी संतोष चिवडे, शंकर खंदारे, शिवराम खंदारे यांच्यासह गावकऱ्यांनी घटनास्थळी धाव घेतली. तसेच बासंबा पोलीस ठाण्याचे सहाय्यक पोलीस निरीक्षक व्ही. डी. श्रीमनवार, जमादार प्रवीण राठोड यांनी घटनास्थळी भेट दिली.
देशपांडे मायलेकींसह आजीची हत्या, प्रेमी युगुलाच्या फाशीवर सुप्रीम कोर्टाचा निकालरात्री अकरा वाजण्याच्या सुमारास मयत उषाबाई यांचा मृतदेह हिंगोलीच्या शासकीय रुग्णालयात आणण्यात आला. तसेच जखमी मधुकर कामखेडे यांच्यावर शासकीय रुग्णालयात उपचार केले. मात्र त्यांच्या डोक्याला व पायाला गंभीर दुखापत झाल्याने त्यांच्यावर प्राथमिक उपचार करून पुढील उपचारासाठी नांदेडला हलवले आहे. दरम्यान या अपघातानंतर कार चालकाने कारसह घटनास्थळावरून पलायन केले. या प्रकरणात बासंबा पोलीस ठाण्यात अद्यापपर्यंत गुन्हा दाखल झाला नव्हता.
कोल्हापुरात रिंकू देसाईंच्या घरावर अज्ञातांचा हल्ला; मध्यरात्री तोडफोड ‘
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
या बातम्यांबद्दल अधिक वाचा
Web Title : maharashtra crime news hingoli accident car hits bike wife dies on the spot husband critical
Marathi News from Maharashtra Times, TIL Network
Marathi News from Maharashtra Times, TIL Network
