pankaja munde: देवेंद्र फडणवीसांनी गोष्टी मनात ठेवू नयेत, गैरसमज असतील तर बोलावं: पंकजा मुंडे – bjp leader pankaja munde advice to devendra fadnavis

पंकजा मुंडे यांनी या कार्यक्रमात अनेक मुद्द्यांवर भाष्य केले. तेव्हा पंकज यांना तुम्हाला मुख्यमंत्री व्हायचे आहे का, असा प्रश्न विचारण्यात आला. त्यावर पंकजा मुंडे यांनी म्हटले की, अजिबात नाही. सध्या जे चालू आहे ते पाहता मी आहे तिथेच बरी आहे, असे पंकजा यांनी म्हटले. या कार्यक्रमात पंकजा मुंडे यांना गाण्याचा आग्रह धरण्यात आला. तेव्हा पंकजा मुंडे यांच्या गाण्याची निवडही चर्चेचा विषय ठरला. ‘हमारी मुठ्ठी मै आकाश सारा, जब भी खुलेगी चमकेगा तारा’ या गाण्याच्या ओळी पंकजा यांनी गुणगुणल्या. तसेच मी राजकारणात असल्याने गाणे गाण्याची गरज नाही. तशीही तिथे मोठी गर्दी आहे, अशी टिप्पणीही पंकजा मुंडे यांनी केली.
पंकजा मुंडेंची आणखी एक संधी हुकली, भाजपने राज्यसभेची नावं जाहीर करताच म्हणाल्या…

पंकजा मुंडे विधानपरिषदेत जाणार?

येत्या २० जून रोजी विधान परिषदेच्या १० जागांसाठी निवडणूक होत आहे. विधानससभेतील संख्याबळानुसार भाजपचे ४, राष्ट्रवादी आणि शिवसेनेचे प्रत्येकी २, काँग्रेसचा एक आणि १० व्या जागेसाठी पुन्हा भाजप आणि मविआमध्ये चुरस होऊ शकते. यावेळी भाजपकडून पंकजा मुंडे यांना संधी दिली जाऊ शकते, अशी चर्चा राजकीय वर्तुळात रंगली आहे. पंकजा मुंडेही या जबाबदारीसाठी इच्छूक आहेत. मला विधान परिषदेवर पाठवावं, ही कार्यकर्त्यांची मनापासून इच्छा आहे, असे त्या म्हणाल्या होत्या.

यापूर्वी पंकजा मुंडे यांनी मी जनतेच्या मनातील मुख्यमंत्री आहे, असे वक्तव्य केले होते तेव्हा भाजपमधील राजकीय समीकरणे वेगाने बदलली होती. मात्र, यावेळी पंकजा मुंडे यांच्या वक्तव्यानंतर देवेंद्र फडणवीसांचा सूर सकारात्मक दिसत आहे. पंकजा मुंडे आमच्या मोठ्या नेत्या आहेत. आमच्याकडून त्यांच्या नावाला पूर्ण पाठिंबा आहे. अशा काही निवडणुका होतात, तेव्हा त्यांचं नाव चर्चेत येतं. ते साहजिकच आहे. त्यांचं नाव चर्चेत येणं यात काहीच वावगं नाही. त्या कोणत्याही पदासाठी पात्र आहेत. आमच्या त्यांच्या नावाला पाठिंबा आहे. आम्ही पूर्णपणे सकारात्मक आहोत. याबद्दलचा निर्णय आमचे हायकमांड घेतील, असे देवेंद्र फडणवीस यांनी म्हटले होते.