Sidhu Moosewala Was Shot Dead Like His Inspiration Rapper Tupac Amaru Shakur | म्युझिक आणि मृत्यू… दोघांच्याही आयुष्यात सारख्या घडल्या या गोष्टी; गुरूप्रमाणेच सिद्धू मूसेवालावर झाला गोळीबार

नवी दिल्ली: प्रसिद्ध पंजाबी गायक सिद्धू मूसेवाला (Punjabi Singer Sidhu Moosewala) याने जगाचा निरोप घेतल्याची धक्कादायक घटना रविवारी संध्याकाळी घडली. त्याच्या अकस्मात निधनानंतर मूसेवालाच्या (Sidhu Moosewala Death) वैयक्तिक आयुष्याशी संबंधित काही घटनांची प्रामुख्याने चर्चा होत आहे. त्याची गाणी (Sidhu Moosewala Songs), त्याच्यासंबंधीत माहिती सोशल मीडियावर व्हायरल होत आहे.

सोशल मीडियावर त्याचे ‘द लास्ट राइड’ (The Last Ride) हे गाणे देखील चर्चेत आहे. अगदी दोनच आठवड्यापूर्वीच त्याचे हे गाणे प्रदर्शित झाले होते. काही मीडिया रिपोर्टनुसार हे त्याचे शेवटचे गाणे होते, पण यानंतरही त्याचे एक Levels नावाचे गाणे प्रदर्शित झाले होते. दरम्यान हत्येच्या १५ दिवस आधी प्रदर्शित झालेलं गाणं विशेष होतं कारण ते एका व्यक्तीला समर्पित केलेलं होतं. या व्यक्तीसह घडलेली घटनाही आश्चर्यकारक आहे.

सिद्धू मूसेवालाची हत्या का झाली? टोळीला का सतत खूपत होता गायक?

‘द लास्ट राइड’ (The Last Ride Song) गाण्याचा आशय असा होता की, ‘त्याचा द्वेष अनेकांनी केला. मात्र त्याच्या प्रेमात अनेकजण होते. तो जगात प्रसिद्ध होता पण त्याच्या स्वत:च्या शहरातील अनेक लोक त्याला हरवण्यात अपयशी ठरले. त्याच्या जिंकण्यापेक्षा त्याने हार झाल्यानंतर अधिक चर्चा झाली. मूसेवाला त्याच्या आयुष्यात अमर झाला आहे पण या व्यक्तीच्या चेहऱ्याची चमक सांगते आहे की तरुणपणीच तो मरणार आहे.’

गुरूसारखीच झाली सिद्धू मूसेवालाची हत्या
हे गाणे सिद्धू आणि त्याच्या चाहत्यांसाठी खास होते. कारण हे ज्या व्यक्तीसाठी समर्पित होते तो सिद्धूसाठी प्रेरणास्थान होता. ही व्यक्ती दुसरी-तिसरी कुणी नसून प्रसिद्ध अमेरिकन रॅपर आणि अभिनेता Tupac Amaru Shakur होता, जो 2Pac अशा नावाने देखील ओळखला जायचा. रॅपर टूपॅकची देखील १९९६ साली कारमध्ये गोळी झाडून हत्या करण्यात आली होती. त्याला श्रद्धांजली वाहण्यासाठी सिद्धूने ‘द लास्ट राइड’ हे गाणे तयार केले होते. त्यामुळे म्युझिक ज्याप्रमाणे दोघांच्याही आयुष्यात होते, त्याचप्रमाणे दोघांचीही हत्या सारख्याच पद्धतीने झाली.

Sidhu Moosewala- लॉरेन्स टोळीने केली सिद्धू मूसेवालाची हत्या

‘द लास्ट राइड’ च्या रीलिजनंतर रॅपर 2Pac च्या हत्येसारखीच घटना सिद्धूसह घडल्याने सर्वांनाच मोठा धक्का बसला आहे. ७ सप्टेंबर १९९६ या दिवशी लास व्हेगासमध्ये २५ वर्षीय 2Pac वर तो गाडीत असताना गोळ्या झाडण्यात आल्या होत्या. त्याच्यावर चार गोळ्या झाडण्यात आल्या, त्यानंतर त्याच्यावर उपचार सुरू होते. मात्र ६ दिवसानंतर १३ सप्टेंबर १९९६ रोजी त्याचा मृत्यू झाला.

पंजाबमध्ये गोळ्या झाडून मूसेवालाच्या शरिराची केली चाळण
पंजाबच्या मनसा जिल्ह्यातील जवाहर गावात पंजाबी गायक सिद्धू मूसेवाला (Sidhu Moosewala Murder) याची हत्या करण्यात आली. रॅपर असणारा गायक राजकारणात आला होता. शुभदीप सिंग उर्फ सिद्धू मूसेवाला बंदूक आणि हत्यांरांचा शौकीन होता. त्याच्या गाण्यातूनही हे लक्षात येत असे. यामुळे अनेकदा त्याला टीकेचा सामना देखील करावा लागला होता, पण त्याचे चाहतेही जगभरात होते. त्याने त्याच्या गाण्याच्या माध्यमातून लोकप्रियता मिळवली होती. रॅपर-गायकांमध्येही तो प्रसिद्ध होता. सिद्धू मूसेवालाच्या निधनानंतर भारतच नव्हे जगभरातील प्रसिद्ध व्यक्तींनी श्रद्धांजली अर्पण केली आहे.