काय आहे प्रकरण?
२०१९ मध्ये पद्माचा विवाह वेणुगोपालसोबत झाला होता. तो हैदराबाद येथील एका सॉफ्टवेअर फर्ममध्ये नोकरी करत होता. लग्न झाल्यापासूनच वेणु पत्नीला त्रास देत असल्याचा दावा केला जातो. त्यामुळे तिने पोलिसात तक्रारही दाखल केली होती. सुरुवातीला दोन्ही कुटुंबानी वाद सामोपचाराने मिटवण्याचा प्रयत्न केला, मात्र अखेरीस वेणुगोपालने पद्माला घटस्फोटाची नोटीस पाठवली.
हत्येनंतर बायको हरवल्याचा बनाव
दरम्यान, वेणुगोपालने मित्र संतोष आणि नातेवाईकांच्या मदतीने पद्माची हत्या केली. तिचा मृतदेह सुटकेसमध्ये भरुन त्यांनी वेंकटपुरम येथील एका तलावात टाकला. पाच जानेवारीला ही घटना घडली होती. हत्येनंतर काहीच घडलं नसल्याप्रमाणे तो वावरत होता. त्याने बायको हरवल्याची तक्रार पोलिसात दाखल केली.
हेही वाचा :वडिलांसोबत भांडणाचा जाब विचारला, तरुणाला दगडाने ठेचून धारदार शस्त्राने वार
तेव्हापासून पोलीस तिचा शोध घेत होते. २७ मे रोजी पद्माच्या आई-वडिलांनी जावयावर संशय व्यक्त करत पोलिसात धाव घेतली. पोलिसांनी वेणुगोपालची चौकशी केली. त्याच्या कबुलीनंतर तिचा मृतदेह पाच महिन्यांनी तलावातून बाहेर काढला. वेणुगोपाल, त्याचा मित्र संतोष आणि वेणुगोपालच्या कुटुंबीयांना पोलिसांनी सुनेच्या मृत्यू प्रकरणात चौकशीसाठी बोलावले आहे.
सचिन वाझे माफीचा साक्षीदार, कोर्टाची मंजुरी, अनिल देशमुखांच्या अडचणीत वाढ?
हत्येचं कारण काय?
“पद्माचा पती वेणुगोपालसह तिच्या सासरची मंडळी तिला जास्तीचा हुंडा आणण्यासाठी शारीरिक आणि मानसिक त्रास देत होते. वेणुने पाठवलेली घटस्फोटाची नोटीस स्वीकारण्यास तिने नकार दिला” अशी माहिती वरिष्ठ पोलिस अधिकाऱ्यांनी दिली.
हेही वाचा : ५५ दिवस, २० पोलीस अधिकाऱ्यांकडून तपास; प्रसिद्ध व्यावसायिकाच्या हत्येचा छडा लावण्यात यश
“पद्माच्या नकारामुळे चिडलेल्या वेणुच्या कुटुंबाने तिचा काटा काढण्याचा निर्णय घेतला. पाच जानेवारीला पद्माला चौघा जणांनी काठीने बेदम मारहाण केली. तिचा मृतदेह ब्लँकेटमध्ये गुंडाळून तलावात फेकून देण्यात आला होता.” असंही पोलिसांनी सांगितलं.
काँग्रेसमध्ये नाराजीचे सूर; नेत्यांची चिंतन शिबिराकडे पाठ
